تويت
السَّلام عليكَ يا أبا عبد الله وعلى الأرواح التي حلّت بفنائك عليك منِّي سلامُ الله أبداً ما بقيتُ وبقيَ اللّيلُ والنهارُ ولا جعلهُ الله آخرَ العهدِ منِّي لزيارتكم السَّلام على الحُسين وعلى عليٍّ بن الحُسين وعلى أولاد الحُسين وعلى أصحاب الحُسين.
قصيدة سيف الأنصار
سيف الأنصار تلاله سيف الأنصار
علم الناس البساله سيف الأنصار
ــــــــــــــــــــــــــــــــــــــــــــــــــ ــ
حسين طالع للجهاد وللمهمه الساميه
ﮔام يختار الطليعه المؤمنه المتفانيه
اختارهم أصلب معادن والهمهم عاليه
لتعشـﮒ الحـﮒ والكرامة وماتهمها الفانية
اختارها لأصعب أمر
والدرب مثل الجمر
ــــــــــــــــــــــــــــــــــــــــ
الدين يحتاج الغيور المؤمن بيوم الشدد
والشباب العدهه غيره بيها ينقام العمد
ما يريد الذكره خامل عن حقوق الله ابتعد
والرجال العدها غيره تصير للامه ضمد
بيدها سر النجاح
تصيح حي عل الكفاح
ــــــــــــــــــــــــــــــــــــــــــــــــــ ـ
ياهله بمسلم وعابس يازهير وياحبيب
يابرير الباع روحة لنصرة حسين الغريب
هلا بالصائدي حيث اسهامه ابداً ماتخيب
وحي جون وحي حميته لريحته بعزمه تطيب
والرياحي ووﮔفته
حين حانت ساعته
ـــــــــــــــــــــــــــــــــــــــــــــــــ
سباع تركض عل المنايا وﭼـان دافعها الوفه
تنصر الدين وكيانه بنصرة آل المصطفه
طالع بوعي ودرايه ومنهجيه ومعرفه
مايغيرها الإعلام ولا الأبواق الزائفه
عنـَّت بهام العده
سيوفها المتواعده
ــــــــــــــــــــــــــــــــــــــــــــ
ومن سمع صوت العقيله بن مظاهر ماهجع
ونادى يسباع الحرايب وﮔام لرجـــــاله جمع
ﮔال تدرون العقيله صابها اليوم الفـــــــــــزع
خايفه نخون ابو اليمه وصوت أنصاره ارتفع
اليوم يوم الغانمه
حتى نسبح بالدمه
ـــــــــــــــــــــــــــــــــــــــــــ
كفو يليوث الحرايب كفو يصحاب الذمم
والنعم يهل الحميه والبساله والكــــرم
لـﭼن ماتدرون زينب حين ما طاح العلم
شبت النار بخيمها وفرت أطفال وحرم
وانتو نومه على الثرى
والعقيله ميـــســــره
ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ
تعليق