شعندج خبر عن كربلا

[غسق التميمي]

يازهره الماحضرتي زفة العريس
ولا جبتي ابوه ورحتي يم عمه
ولا شعلتي شمع بصواني للقاسم
ولا شفتي الشباب اتحنه من دمه
ولا عندج خبر بالاكبر الصابوه
وحيرة والده لما يـگدر ايلمه
يا ريتج اجيتي لطيحة العباس
جا شفتي الحسين برگـبته يشمه
ويا ريتج اجتي لزينب اتشوفين
وسكنه لفـگد ابوها شـگثر متألمه
وجا شفتي الرضيع بسهم من فطموه
واسيتي الرباب الفاگده تكلمه
ولا سجادكم لمن مشى لشام
جا شفتي يصيح بلهفه يا عمه
صبري واستعدي لسبي والظيم
يا زينب احزانج اجت ملتمه
انا شلون الما اجيت بزفة العريس؟
وحنيت الشعرمن نحرة ودمه
ويم الاكبر الطمت ع الراس
وبصوت الفجيعه صحت يايمه
وبمصرع گمرنه من وگـع للـگاع
تـقاسمت اللطم للعباس وي امه
ومن شفت لحسين ع الثره مذبوح
ما ادري شسوي تمددت يمه
ما ادري شسوي تمددت يمه
-------------------------------------
كلمات الشاعر
"غسق التميمي"

[علي حسين الخباز]

ايها الغسق الشعري سلا ما تقبل المودة والسلام

[غسق التميمي]

عظم الله لنا ولكم الاجر بمصاب سيدي ومولاي ابا عبد الله الحسين
ولا تنسونا من دعائكم