قصيدة اخوج انه العدل يازينب شتردين

[حسين الابراهيمي]

أخوچ
للشاعر ناظم الحاشي

اخوچ انه عدل يازينب شتردين
ياهو الـگال ميت ونصب فاتحتي
انا الوديت راسي على الرمح ناطور
حشاي تعذرت وعفت ظعن اختي
امانة فاطمه يازينب الحوراء
من ذمة علي وندارت بذمتي
انا العباس اخوهه الماعفته تطيح
وهي نقطة حياء المافارگت گصتي
ظيفت السيوف بيوم جاع الدين
وانه الع(*)ته بلحم خاصرتي
اسألو چفوف اديه شكثر ها ياسيوف
من فرسانهم چم سيف يتمتي
انا لعيون زينب ماغفتلي عيون
ولا غبت السيوف الحللت كتلي
البشر صلت بارض لاربعة عشر معصوم
وانه اربعه عشر معصوم صلتلي
عن ياميمنه وياميسره يـگولون
حتى اشعر زلم عالـگاع ثبتتلي
انه الكورته وقسمته ارباع
وعف ياسيف ملك الموت صاحتلي
جهنم من كثر شيل الجثث للنار
غصيت بجثثهم خبر ودتلي
وانا المدفون واكف ماطحت للـگاع
دست طرف الارض والـگاع گاملتي
الشمس ردت لبوي وصله بارضه وگام
ولو رايد ترد هم چان ردتلي
بعدني ببطن ابوي وزينب الحوراء
شلعت من گلبه وگلب حطتلي
كتبت فوك زندي تعيش ياعباس
ومحروس بعلي الكرار كتبتلي

[كرم الزهراء]

حياك الله وتسلم اخي الكريم
جميلة جدا جدا ورائعة حقا
دمت مبدع
الله يوفقك

[حسين الابراهيمي]

شكرا لكي اختي الكريمة كرم الزهراء
على هذا التواصل الجميل
وفقكي الله عز وجل
وجعاكم من اصحاب حسن العاقبة

[علي حسين الخباز]

ابني المبدع حسين الابراهيمي جزاك الله خيرا ايها الرائع تقبل مودتي ودعائي

[حسين الابراهيمي]

كل الشكرا واجمل كلمات التقدير اقدمها
لشخصكم الكريم مشرفنا واستادنا الاستاد علي حسين الخباز الغالي والعزيز
وفقكم الله عز وجل لنصرة الفكر الصالح

[alihadi]

عـبـاس إلـك وصـيـه...عباس بالغاضريه


خـويـه الإبـو وصـاني و بهالوصيه أخبرك
قـال الـعـلم للعباس وقت الكلافه إينصرك
لا تـمشي عن عيني إبعيد أضعف إذا ما أنظرك
يـا خـويـه إلـزم ظهري خليني ألزم ظهرك
عـبـاس نـهـجم سويه...عباس بالغاضريه


إحـنـه الـذي بـقـيـنه زينب أملها بينه
إحـمـل عـله إيسار الجيش و آنه عليَّ إيمينه
حـمـلـه إشتهيت آنه إوياك نهجم سوه خلينه
سـبـعـين ألف و إحنه إثنين نتقاسم بسبعينه
عـبـاس إيـدك بـيديه ...عباس بالغاضريه


زيـنـب شـفـت معصبها يعني تقلك وينك
آنـه أنـتـخي بالعباس و إنت إنتخي بحسينك
فـدوه إلـك هـالـجـفين بس المهم جفينك
إنـت تـغـمـض عيني و آنه أغمض عينك
عـبـاس مـا عـاف أخيّه...عباس بالغاضريه


خـويه الإخو وقت الضيج بس الإخو مطلوبه
و الـعـنـده مـثلك عباس محد يقرب صوبه
بـوجـودك ووجـودي زيـنب تظل مهيوبه
سـكـنـه تـنادي عمي من العطش مصيوبه
عـبـاس نـادت رقـيـه...عباس بالغاضريه


كل شي و لا إنت إتروح وحدي أظل بين الناس
لـحـظـه إذا عني إتغيب أشتاق إلك يا عباس
هـذا الـوفـه الما موجود بالخوه إنت المقياس
واحد لجن شفتك جيش يا خويه يا رفعت راس
عـبـاس بـس إنـت ليه...عباس بالغاضريه


يـا بـا الـفضل ودعني أشعر بعد ما أشوفك
إنـت تـقـبـل نـحري و آنه أقبل إجفوفك
و إشبقني شبقت ملهوف و إنثر عليَّ إحروفك
لو بيدي ما قلت لك روح غالي و أبد ما عوفك
عـبـاس هـجـرك منيه ...عباس بالغاضريه


لـلـمشرعه من إتروح إذكرني لو شفت الماي
إشـرب هنيئاً عباس و إتركني آنه إويه إضماي
كـل ظـنـك إتجيب الماي يمي و تشربه وياي
هـذا الأبـد مـا يحصل ما تحصل بإيدك هاي
عـبـاس يـصـعب عليه...عباس بالغاضريه

[حسين الابراهيمي]

شكرا لكم اخي الكريم
على هذه الاضافة الغالية
لاحرمنا الله عز وجل فرحة مروركم الكريم
دمة بحفض الله تعالى

لقد كسرت للدين في يوم كربـلاء
كسائر لا تؤسى ولا هي تجبـرفـإما
سـبي بالرمـاح مسـوقوإمـا قتيـل بالتـراب
معفـروجرحى كما اختارت رماح وأنصل
وصرعى كماشات ضباع وأنسر

[خليل علي الزبيدي]

{{ موفقين أخي العزيز }}

[حسين الابراهيمي]

اخي ووستدنا العزيز شاعر الغالي ابو امنة
شكرا لمروركم الكريم
وفقكم الله عز وجل
وزاد من حسناتكم

[الأزري]

عظم الله أجوركم ورزقكم نصرة الامام المنتظر (عج)