نداء العقيلة يوم العاشر
زينب تنادي بصوت يهل الحميّه حامي الحمه مطروح فوﮒ الوطيّه
***
(لاترفعون الروس يهل الريــــــــاسه عدكم حسين اليوم عل الرمح راسه)
بين الترب والخيل ضاعت انفاســــــه وين الأهـــــــــل هليــوم تلحـﮒعليه
***
زينب تصيح بصوت حرﮔـــو خيمنا وين الـﮔمر عباس يبـــــــــعدها عنا
ومن شدة النيران فرت حرمنا زينب تصيح بصوت وينك يبـــويه
***
حسين انذبح ياناس ونحز وريده وفوﮒ النهر عباس نايم عضيده
ساعة ظلم وارهاب والله شديده هجمت علينا الـﮔوم من طاح اخويه
***
فوﮒ الثره مذبوح ماترفعونه شنهو الجره لعدنان ميشيِّعونه
وبالسدر والكافور ميغسـِّلونه ويخلصونه اليوم من آل اميه
****
فرت يتامه حسين منهو اليردها والعسكر الغدار خوفي مردها
فوﮒ الترب مذبوح نايم ضمدها ياريتني ما جيت للغاضريه
****
ياجدي ﮔوم اليوم ونظر لحالي ياجدي بالوديان ضاعت عيالي
ياجد ابد ماﭼـان يخطر اببالي لجدها النبي المختار تصبح سبيه
******
نسألكم الدعاء
تعليق