مذل الابطال

[سعد مطلوب]

(( مُذل الإبطال ))

شهكَت كل الإنفاس ... طب للحومه العباس
بالطف صار زلزال ... عاصف ذل الإبطال
طب للحومه العباس
************
نـِزل للمعـركه رايـــــــــة علي إبچفه
يصيــح الموت إنه اويـرعـد إبزحــفه
شـتت كل كتـــــــــايبها اوصفت منفه
كِسـَــر جنح العســــــاكرغرّكَه إبنزفه
هد إقلاع الإحــزاب ... بســـيفه ذلت إركَاب
بيها النفل من صال ... عاصف ذل الإبطال
طب للحومه العباس
************
إِنه العبـاس شـــــبل المرتضه الإنزع
لخليهــــــــا الأُميــــه تلوج بالمصرع
تحت ســـــــيفي جحافلها تجي إوتركَع
تقـــــدِم كل فــروض الطاعـه تتخضّع
والله لفني الأشرار ... بالحومه لشـــب نار
نزّل بيها الأهوال ... عاصف ذل الإبطال
طب للحومه العباس
************
إِنـه الملزوم أحمي إعيــــــالي والخدّر
ماهاب الحشود إِشــــــــــــما عليّ تكثر
وحـگ رب العرش بتـــــــاري لو كبّر
إِكورها الطفوف إوإِسـحگ العســــــكر
لخلّي الجثث صوبين ... وَسِر عين المُحبين
بزنده عدل المــــال ... عاصف ذل الإبطال
************
وحگ حيــدر لدوس النهر بجــــدامي
وعلّكَها الوســـيعه بطرف صمصامي
لخليهــا الكتـــــــــايب تحلف إِبهــامي
فرض واجب تقر لحسين جـــــــدامي
بهذه الأمر ملزوم ... إكتب بيها مرســـوم
حاسبهه عالإعمال ... عاصف ذل الإبطال
************
ســـبع الكَنطـره معـــــروفه صولاتي
جحافلهـــــــــــا تجيني وتنحني لذاتي
وذا ماتـذعن الأمــري إِوصـــــــاياتي
لراويهــــا العذاب إوضيم حمـــــلاتي
لمطر بيها سجيل ... وذل الركبت الفيل
منه الحمم تنهال ... عاصف ذل الإبطال
************
الكفـاله إبچفي حيـدر بالزغر شــــدها
يوصيني إِعله زينب أختي أســــعدها
إولبـو اليمـه إِرخص الـروح وفكـدها
وحـافظ عالولايـه أِبســيفي أســـــندها
الهاي الساعه مذخور ... أِصيرن للحرم سور
بعزمه هزالجبـــــال ... عاصف ذل الإبطال
طب للحومه العباس
************
بقلم / سعد مطلوب الخفاجي

[من نسل عبيدك احسبني ياحسين]

السلام عليكم موفق بحق آل محمد

[خليل علي الزبيدي]

وحگ حيــدر لدوس النهر بجــــدامي
وعلّكَها الوســـيعه بطرف صمصامي
لخليهــا الكتـــــــــايب تحلف إِبهــامي
فرض واجب تقر لحسين جـــــــدامي
بهذه الأمر ملزوم ... إكتب بيها مرســـوم
حاسبهه عالإعمال ... عاصف ذل الإبطال

جميل ماسطرت أخ سعد مطلوب أحسنت ورحم الله والديك

[ابوعلاء العكيلي]

صح لسانك اخي الفاضل
انشاء الله يكون الحسين عليه السلام شفيعك يوم القيامة

[سعد مطلوب]

الاخت الكريمه
من نسل عبيدك احسبني ياحسين وعليكم السلام
اختي الكريمه الله يوفقنا واياكم في خدمة سيد الشهداء (ع)
تمنياتي لكم بالموفقيه

[سعد مطلوب]

الاخ العزيز
ابو أمنه
عزيزي الغالي الجمال في مرورك النيرواطرائك الرائع
خالص شكري وامتناني تمنياتي لك بالموقفيه .

[سعد مطلوب]

الاخ العزيز
ابو علاءالعكيلي
الله يطيب انفاسك الكريمه ويوفقك في خدمة سيد الشهداء
خالص الشكر والامتنان تمنياتي لك بالموقفيه

[أنصار المذبوح]

@@@ أحسنتـــــــــــــــــــــــ بارك الله فيك ـــــــــــــــــــــــــــــم @@@