حب العترة

[شاعر اهل البيت مصطفى هلال]

بسم الله الرحمن الرحيم
اللهم صلي على محمد وال محمد
اقدم لكم قصيدتي يواسالكم الدعاء
***
حاء وسين ياء ونون عالفطره
عشكناها وصرنه انحب ابو العتره
****
من الذر قبل لنكون بالاصلاب
عرفنه المصطفى المختار ابو الاطياب
ولكينه بكل كلب مكتوب داحي الباب
وعرفنه المجتبى والطاهره الزهره
****
ابونه الجان كل مجلس يودينه
واحنه بصلبه قدمنه تعازينه
وسمعنه الناعي ينعى واحنه ونينه
نون واحنه بصلب والدنه وبحسره
****
وعرفنه حسين وارض الطف تاثرنه
لطمنه عله الصدر عالهامه طبرنه
وصحنه بصوت ( يحسين بضمايرنه )
بالارحام جنه وعالسبط نقره
****
وبجينه بالمهد بدموع سجابه
عله المذبوح ننحب وعله اصحابه
وتعودنه عله ( آ يحسين ومصابه )
وبجينه دموع كل دمعه بالف جمره
****
وترعرعنه بمحبته وصرنه له خدام
ويكبر حبنه بيه شما تمر ايام
وعله مصابه نعجب العالم بكل عام
بشعايرنه ذهلنه العالم بأسره
****
عله حسين الكلب كل لحظه ينزف دم
هوه المدرسه المن عدها نتعلم
وكل من حبه يا هالناس ما يندم
واثق من كلامي وابصم بعشره
****
نعدل لو نموت نصيح بسم حسين
وابد لا ما نمله شما تمر سنين
مجنونين والله بحبه مجنونين
مثل عابس صبحنه الطاح عالغبره
***
خادم خدام الحسين (ع)
شاعر اهل البيت مصطفى هلال الربيعي

---

[خليل علي الزبيدي]

عظم الله اجوركم
موفقين أخي العزيز , قصيدة مباركة

[شاعر اهل البيت مصطفى هلال]

شكرا اخي العزيز ابو امنه