يالتزور حسيـــــــــــــــن

[رشا سعد مهدي]

يالتزور حسيـــــــــــــــن إصبر لاتزور - - - - إقره ليش حسين قامت ثورته
حتى من تنزل دمعتك عالحسيـــن - - - - تعرف شكَد الثـــــواب بدمعته
تدري ليش الميت ايعصره القبــــر؟ - - - - وتدري شيصيح القبر في ميته؟
خاف حابس دمعة في حق الحسين - - - - اليوم تطلع من ظفر اسبابته
وحتى تعرف منك شرايد حســـــــين - - - - مو تزوره وأنــــت جاهل غايته
حسين رايد روح تنهض بالضــــــــــريح - - - - مو تحط دينار ماهو بحاجته
روح علق قلبك اباب الحسين - - - - وشيل كل هاي الذهب من حضرته
حسين مامحتاجهة القبة الذهب - - - - الذهـــب محتاجه راح لقبته
والناس لو تدري الذهب قصد الحسين - - - - جان مانصرت يزيد وخانته

[نداء الكفيل]

سلمت يداك اخت رشا جزاك الله كل خير

[ايه الشكر]

سلمت اناملكم

[خليل علي الزبيدي]

أحسنتم قصيدة جميلة
وفقكم الباري لمعرفة من أوجب الله مودتهم ورزقكم شفاعتهم .

[رشا سعد مهدي]

مشكورين على مروركم الكريم

[علي حسين الخباز]

رشا سعد مهدي المحترمة اهلا وسهلا بك في منتدى الكفيل وانت بين اخوتك واخواتك من شعراء هذا المنتدى الذي يحمل راية ابي الفضل العباس عليه السلام فاهلا ومرحبا بك اختا غالية .. سلمت وطيب الله لسان شعرك