يبنَ محزوز ِالوريد . يا شهيد اِبنَ الشهيد

[كرم الزهراء]

يبنَ محزوز ِالوريد . يا شهيد اِبنَ الشهيد . يا عليَّ ابنَ الحُسين . يا عليَّ ابنَ الحُسين
**************
سيدي ألليله ألمصابك . ضجت ألشيعه بوضعها
أصبحت تمله المجالس . وبحزن من هل دمعها
باللطم حضرت تواسي . فاطمة الكسرو ضلعها
ما نشف مدمع مُقلها . وأصبح أمصابك نبعها
دمعُها مِنها يسيل . وأهيه في نار ِ العويل . تحرِق ُ في كُل ِعين . يا عليَّ ابنَ الحُسين
***********
حضرت ألشيعه تنادي . يا علي السجاد اجينه
بالألم وبلوعة نصرخ . والحزن باين علينه
سيدي والمهجة ذابت . من كثر ما يجره بينه
وأصبحت دنيانه سوده . والعمر هانت سنينه
في عيون ِ ألشيعه ساد . يا علي لون ُ السواد . هكذا نطوي السنين . يا عليَّ ابنَ الحُسين
***********
مو سهل فگدك علينه . والدموع بحرگه تذرف
تجري بجفون اليحبك . چنها جرح الوالي تنزف
تبچي ناسك يا وليها . والكدر بالمُهجه يعزف
وأضحت والوادم كأيبه . كلشي غيرالون متعرف
شيعة ُ الوالي الذبيح . قلبُها دوما ً جريح . حُزنُها لم يغفو حين . يا عليَّ ابنَ الحُسين
***********
يا ابو الباقر ألمنه . والله ما نگدر نوّصفه
هايج ألليله حزنّا . وحالت ألبيها احنه كلفه
الكدر خيّم علينه . والدمع دم يجري نزفه
يا سليل الهادي تدري . الكم بكل شيعي لهفه
في بُكائا ٍ وشِجون . حالُنا دوماً يكون . لم نشأ غير الأنين . يا عليَّ ابنَ الحُسين
************
الخادم ابو ايمان المجراوي

[ابو حسن المياحي]

احسنتم لهذا النقل الرائع

[علي حسين الخباز]

الاخت كرم الزهراء طيب لك ذهنية هذا الانتقاء المميز وطيب الله لسان شاعرها ابو ايمان المجراوي

[كرم الزهراء]

احسنتم لهذا النقل الرائع

شكرا اخي الفاضل ابوحسن المياحي
لهذا المرور العطرمبدع دوما
الله يحفظك

[كرم الزهراء]

الاخت كرم الزهراء طيب لك ذهنية هذا الانتقاء المميز وطيب الله لسان شاعرها ابو ايمان المجراوي

المشرف القدير والاديب العملاق
علي حسين الخباز
دمت ودام قلمك المتالق الساحر
يحفظك الرب ويرعاك