تويت
خادم أهل البيت وسام خضير الكلابي
............
شاب الگلب والراس **** ياخويـــــــه ياعباس
لمن رحــــــت تدري **** خويه انكسر ظهري
ياخويـــــــــــه ياعباس
***********************************
أبيا حال أبو اليمه أوسمع صيحة أخوه اليوم
حامــــــــي الضعينه والخدر وبرايته ملـــزوم
جمرت أحزانه ســـــــــــــرت وبگلبه المالوم
شــيصبره عالفاجعـــــــــــه وتكاثر لــــهموم
مو سهله يتصبر *** نار الگلب تسعر
حدر الضلع تــسري ** خويه أنكسر ظهري ** ياخويه ياعباس
***************************************
الصوب الشريعه أبعبرته أتعنه أبو اليــــمه
گاصد عضـــــــيده الگمر راح او گعد يـــمه
ويمســـح دماه اللــي جرت ويقبله ويشمه
جمر العيون الدمــع ســـــــــــالت ويه دمـه
من شدة المصرع *** جمراته بالمدمع
اليوم الدمع يجري** خويه أنكسر ظهري ** ياخويـه ياعباس
*****************************************
أبهل نايبه حيله انهدم وملوعــــــــه روحه
احنه الظهر يم الأخو ودموعه مســــفوحه
بصوابه أيگلب غده اينــــشده عن جروحه
شــــــاف الچفوف امگطعه زاد وكثر نوحه
وبعبره ملهــــــــــوفه *** ايقبل چفـــــــوفه
ماينجبر كـــــــــسري** خويه أنكسر ظهري *** ياخويـه ياعباس
****************************
مذهول من شــــاف الگمر ومصابه اليفجع
الهامه مصيوبـــــــه بعمد وي چفه لمگطع
والعين صايبه الـــــــــسهم لا ما بعد يطلع
وجروح گلبه عالأخو ســــــالت ويه المدمع
شاف السهم بالعين *** ومگطعه الچفين
اينادي انشده فكري** خويه أنكسر ظهري ** ياخويـه ياعباس
*********************************
شــاهد عضيده ابهل وضع حاير بقه بالراي
ناداه أرجعك للخـــــــــــيم خليني يارجـواي
عباس غيرك منهو الي خويه العفه عالماي
خليها نيران العطــــــــش وابقه أنه بضماي
ايگله گمر هاشــــــم *** ردتك تـــــرد سالم
بيك أنچفه دهـــــــري** خويه أنكسر ظهري ** ياخويـه ياعباس
*********************************
ايگله وحدك للخــــــــــــــيم أرجع يغاليــــنه
خليها تعذر غيــــبتي واخبرها لــــــــسكينه
طاح الكفيل او عالنـــهر مگطوعه چفيـــــنه
والجود ياسكنه انزرف أو صاب السهم عينه
ايگله انفطر چبدي *** اشلون ارجع الوحدي
بعدك حرت بامري** خويه أنكسر ظهري ** ياخويـه ياعباس