قصيدة زيارة الاربعين بطور هايعمي عليهم (بقلمي)

[خليل علي الزبيدي]

السلام عليكم ورحمة الله وبركاته تشرفت هذه القصيدة بقرائتها في الحضرة الحسينية المقدسة في زيارة الاربعين سنة 1433هجرية وقرأها الرادود المهذب الملا علي الناعي من كوت الولاية .على طور هاعليهم يعمي ونسألكم الدعاء.

القصيدة


اليوم جيناك يوالي اليوم جيناك نرغم عداك يغالي نرغم عداك


ــــــــــــــــــــــــــــــــــــــــــــــــ

ندري يحسين الشعائر عالأصول مأسسه

وصايره لأهل العقيده الأحمـــــديه مدرسه

سور للنهج القويم وبالضماير تحــــرسه

حسين عنوان الكرامه وبيها ثبت مجلسه

مجلسه مجلس شرف

وبالمضامين نعـــرف

ـــــــــــــــــــــــــــــــــــــــــــــــ

حسين سيد عالملوك وبيده صك الغانمه

يثبت التيجان بيده ويعزل بلا مرحـــــمه

ثورته ثورة كتاب الله بالحـــــــق قائمه

حسين نوريِّة الدين المايشاهدها عمه

عمت عين العادتك

ومامشت لولايـتك

ـــــــــــــــــــــــــــــــــــــــــــــــ

تربة حسين ابو اليمه نزلت من اعظم سمه

اختلطت بروح الرساله ورتوت باعظم دمه

وكتب يوم الغاضريه حسين أعظم ملحــمه

وﮔـال للخاين ضميره الحر أبد ميسالمه

درس للعــــــــالم بقه

لازم احنه نطـــــــبقه

ــــــــــــــــــــــــــــــــــــــــــــــــــ ـــ

واليزور حسين لازم يعرف حســـــــــــين شيريد

مو يضل بس بالشعار ومنهـجه منهـــــــــج يزيد

يـﮔول آني عله الولايه وهوَّ شيطــــــــانٌ مريد

يموت عل الحـﮒ والولايه ومايبـــــــــايع كالعبيد

لآل طه بيــــــــــعته

يضحي ليهم رﮔبته


ــــــــــــــــــــــــــــــــــــــــــــــــــ ـــــــــــــ

ياشبل سبع الحرايب جينه ليك محَزِّمــــــــين

ندري خطوات المسير لكربله تحفــــــظ الدين

وندري لو زرنه الشهيد نصـــير زوار الأمين

طه ابو ابراهيم يشفع للوفـــود الزائـــــــرين

والأجر نتســـــلمه

من ايد بنته فاطمه

ـــــــــــــــــــــــــــــــــــــــــــــــ

خليشوفون النواصب والابواق الكاذبه

هذا مشروع المسير الكربـــلاء شرتبه

مثل ﮔبة ﮔمر هاشم هالعقيده مذهبه

والذي يحارب حسين بلا هواده نحاسبه

شمس حيدر شعشعت

الكره الأرضيه طـلعت


اليوم جيناك يوالي اليوم جيناك نرغم عداك يغالي نرغم عداك


ــــــــــــــــــــــــــــــــــــــــــــــــــ ــ

صفرالخير 1433هجرية


كربلاء المقدسة

[كرم الزهراء]

تسلم ابو امنة
جميلة جدا بارك الله فيك
جزيت خيرا ننتظر المزيد

[علي حسين الخباز]

شاعر كبير انت يا ابو امنة هي دعوة اوجهها لك للنظر في فنية بعض القصائد الشبابية التي تنشر باقلام اصحابها لغرض تقويم وزنها وبحرها واعطاء بعض التشخيصات التي يتساهم في بلورة شبابية المنتدى واتمنى منك النظر بدعوتي بجد لخدمة الحسين عليه السلام ومنتدى ابي الفضل العباسسلام الله عليه و لك الشكر والتقدير ولك مني الدعاء

[خليل علي الزبيدي]

بارك الله بكم إخوتي الاعزاء وفقكم الباري لكل خير
الأخ العزيز علي حسين الخباز أنا خادمكم بما تطلبون رغم امكانيتي المتواضعة

[رضاكي يا امي]

جميل جدا بارك الله بيك

[عطر الكفيل]

سلمت اناملك اخي
اثقل الله بها ديوان اعمالك

[خليل علي الزبيدي]

بوركتم سادتي على مروركم الكريم
والله دعائكم يمنح البركة والتوفيق وفقكم الله لخدمة الزهراء عليها السلام وشفاعتها بمحمد واله الاطهار

[غسق التميمي]

بـــــــــارك الله بيراع خط هذه الاحرف
ليُضيفها الى رصيده
في سجل الزهراء ان شاء الله

[مرتضى الناصري]

موفقيـــــــــــــــــــــــــــــــــــــن لكل خير

[خليل علي الزبيدي]

بارك الله بكم أخوتي
دعائكم رصيدي وأنتم وسيلتي لرضا سادتي وموالي عليهم السلام