(مرثية)... لطمية على لحن روحي

[غسق التميمي]

رايح
رايح مشي لحسين تانيني
رايح
رايح امانه وياك وديني
خليني اشيلن رايتك
رايح
سويني گـاع لخطوتك
رايح
----------------------------------------------
يلي رايح خلي نواسي اني وانت
نهل دمعنه هذا وكته
ولــــــــي ويانه بمشينه يعلي ونته
يذرف بحرگـه دمعته
اسمع الزهره الزجية تبجي سكته
تصيح يبني الماحظرته
وخلنه خلنه
خلنه ندگ اعلى الصدر خلنه
وصرنه صرنه
صرنه اساره محبتك صرنه
والعمر في دربك فدى
رايح
-----------------------------------------------
نـــذكر شلون السباية اجت يَمه
هاذي زينب تصيح يُمه
اجت من شام المصايب وية الضعون
واطفال يبجون
صاحت بـــحظرة اخوها هذا راسك
بـــگلبي اضمه
نرجع نرجع
نرجع واخونه بالـگبر نرجع
واسمع اسمع
اسمع يــگلي من النحر اسمع
بعيالي انتي تكفلي
رايح
-----------------------------------------------------
تدري من نمشي بمشينه نشيل راية
لجل غاية
أنذكر العباس بيه بيوم الــــــطفوف
ودم الجفوف
تبقى مرفوعه بأدينه ترف على الروس
تعلم دروس
تبقى تبقى
راياتك بعلو النجم تبقى
ونبقى نبقى
نبقى نسير اعلى الجدم نبقى
ولي يضدكم سيدي
رايح
-----------------------------------------
شعر" غسق التميمي"

[خليل علي الزبيدي]

بوركت أخي العزيز على هذه القصيدة
وجميل منك ذكر لحن القصيدة فهويسهل قرائتها والقائها من قبل السادة الرواديد.
وفقك الباري لخدمة أهل البيت إنه سميع مجيب .

[غسق التميمي]

تغمُرني السعاده حين ارى اسم الاستاذ ابو امنه
يشع في افق المنتدى

[خليل علي الزبيدي]

السعادة تغمر كل محب لأهل البيت عليهم السلام عندما تشرق قصائدك الجميلة في المنتدى المبارك

[كرم الزهراء]

ماشاء الله اخي الفاضل الشاعر غسق التميمي
تسلم يمناك قصيدة ولااروع منها
يحفظك الحسين ان شاء الله

[غسق التميمي]

كرمكم سابق اختي كرم الزهراء ممتن لكم