تويت
المطر يهطل والسائرون على طريق الحرية لكربلاء لا يتوقفون
حبا لابي الاحرار
.....
حب حسين فوك التعب والمطرة
حب حسين ما يطفه بالف عبرة
وما ضن تنطفي النيران ياعباس
ولا ننسه الجفوف الي حنة ظهره
منهوا نزور أول والله محتارين
أريد أوكف بنص الحرم وانتظرة
ادري ...ادري....أدري أيريدني اول اجي العباس
بس عباس ما موجود في كبرة
انه اشوفة يوزع الماي للزوار
وجفوفة مكطعات وشادهه بكترة
وشفنة الجود مملي بغيرة العباس
وهني ياله الشرب من غيرته كطرة
ما ندري نذوك الماي لو عباس
لو انزع هدومي واسبح ابحرة
بحرك جود ما ينكاش ياعباس
ومن يكدر يعوم ويكدر ايطفرة
بجينه وياه من شفنا يوزع الماي
ويدك عله راسة وحسرته بصدره
تذكر زينب الماذاكت من الماي
وانه ادري خواته حنان وتعذره
ريت الذاك هذا الماي طفل حسين
وطفل حسين صار بعطشتة شكبرة
وشطرناله القلب نصين يم يحسن
نص دموع والثاني عليه حسرة
شربنه الماي من ايده شحلاته الماي
يعدلخاطر المكسور ويجبرة
صدك ام البنين الولدت العباس
لجن أم الوفي هم فاطمة الزهرة
أخو وفاية لا ينشرة ولاينباع
واليفكد مثل عباس شي يصبرة
يظل وفاي مشايك يبو اليمه
ولايرتاح لمن يوصل الحضرة
ولو ورمت كل جدامه من ممشاه
ويدري زيارتك في كل وكت خطرة
يدوس عله المنايا و الله والعباس
وتهلهل روحه لو واحد اجه يفجرة
ولو تمطر عليه ثلوج ما ينساك
وعباسك بوكت الموزمة يحضرة
وينك يامطر من عطشوا اهل البيت
ووين الماي من كلبه غده جمرة
لجن هذا قدر مكتوب من زمان
وفرض اعله المحب يتلاوة ويعبرة
وفرض اعله المحب يتلاوة ويعبرة
.....
ابو سجاد المنصور
(عبد الصمد جاسب خضير)
البصرة -الفاو
.....
ابو سجاد المنصور
(عبد الصمد جاسب خضير)
البصرة -الفاو
تعليق