** زاير المنية ** ... الى ذوي الزائرين الشهداء لهذا العام

[شاعرة الحسين]

بسم الله الرحمن الرحيم اللهم صل على محمد و ال محمد و عجل فرجهم يا رب العالمين اقدم لحضراتكم قصيدتي " زاير" و اهديها الى ذوي شهداء الزيارة الاربعينية لهذا العام و اسأل الله لهم الصبر و السلوان و لشهدائهم الجنة و مجاورة ابي عبد الله عليه السلام .. هذا انة الموالي الجيت احير الموت و اسحكهة المذلة ابدوسة اجدامي ترة ولة الزمان الجتف الاحرار ظل كابوس مرمي ابهوسة احلامي بلبل ذايب انة ابحب سماء احسين و لو ادخل قفصكم اعلن اعدامي خل انطي العنان الصوتي و اصرخ حيل احب احسين هذا الثبت اسلامي امشي ابهالطريق و ما يهمني المووت و البسهة المنية و تصبح احزامي تعنيت وكصدت الكبر امامي اليوم صافن عالالوف التمشي كدامي اشو شفت المنارة و عيني تمطر سيل جنهة تريد تروي المنذبح ظامي ومن شفت اني كبتة و صادف التفجير ضحكت ابصوت رج اكلوب ظلامي يا محلة المنية الشوفتني احسين و موتتني اعلى ايد البغضوا ايمامي سألت آنة السؤال الما لكولة اجواب شنو ذنبي العملتة و شنهو اجرامي حبيت الحسين الحبة رب الكون و بغضت آنة اليزيد السبب الامي ردتوني امووووت و ما اموت اليوم حي يبقى الشهيد ازيارتي اوسامي تمنعون الزيارة؟! لا ورب الكون ملايين اليجون ابكل كلب حامي تمنعوني ازور؟! الجنة بيهة احسين بيهة الكة اني جدة و والدة السامي يظل صوتي ابصداه ايذكر اليمشون يتحنة الطريق ابمنحري الدامي تبقى ادماي تقرة اباية التطهير تظل تقرة الزيارة و تلطم اعظامي هذا انة الموالي الجيت احير الموت و اسحكهة المذلة ابدوسة اجدامي يا حــسيــــــــــن

[نداء الكفيل]

هنيئا لكل شهيد أستشهد حبا للحسين
هنيئا لهم الجنة
وبارك الله بشاعرة الحسين
تقبلي تحياتي

[شاعرة الحسين]

حياك الله اختي نداء الكفيل
هنيئا لهم ..
و اسأل الله لنا الشهادة
و حسن العاقبة ..

[كرارحسين]

روعه وسلمت اناملك الولائيه

[خليل علي الزبيدي]

موفقين
قصيدة أكثر من رائعة

[علي حسين الخباز]

طيب الله انفاسك ايتها الرائعة

[شاعرة الحسين]

روعه وسلمت اناملك الولائيه

حياك الله اخي كرار .. اشكرك لمرورك على قصيدتي المتواضعة

[شاعرة الحسين]

موفقين
قصيدة أكثر من رائعة

مشكور اخي ..بارك الله فيك بحق محمد و آله عليهم الصلاة و السلام

[شاعرة الحسين]

طيب الله انفاسك ايتها الرائعة

كل الشكر لك مشرفنا و استاذنا الكريم على المرور و التثبيت ..

اسأل الله تعالى ان لا يحرمنا منك و ان يكثر من امثالك ..
خالص شكري و امتناني لحضرتك ..