زينب وشكواها الى ابي الفضل(عليهم السلام)

[كرارحسين]

مهظومه اجيت من الشام وينك يعباس
جـــــــبت الحرم و الايتام وينك يعباس
يابالفضل دخيلك مهظومه وأشتكيلك

هواي هموم كلبي منين ابديها انـــــت اختار لي يامحنه احجيها
كوم أسألها زينب شنهو مآذيها هاي الحره شوف شبيها مابيها
اتلكاني يابحر الـــــــــزود وابجي عليه
عوف العلم عوف الجود وابجي عليه
من يامصيبه ابديلك مهظومه وأشتكيلك

من طاحت اجفوفك جارت العدوان دارت عله حسين وذبحته عطشان
تتذكر خيمنــــه يا كمــــــر عــــدنان وي ما طحت بيها شبو النيران
اوميلك وفكري احتـــــار بثنين اديه
ياخويه كمت اطفي النـار بثنين اديه
كطعو نحر خليلك مهظومه وأشتكيلك


ومصباح اهدعش ياريت ذبحوني ولافوك الهزل عدوان ركبوني
ياعباس تدري بحبل جتــــــــفوني يا عباس واعله المتن ضربوني
للحادي كمت اترجاه مرني بكفيلي
بلجن يكوم من انخاه مرني بكفيلي
يلما يصح مثيلك مهظومه وأشتكيلك

بدت قصة يسرنه وروحي ملهوفه راسك عالرمح متهشم انشوفه
الكوفه آه آيا مجلـــــس الكوفه لبن زيـــاد طبيت ايدي مجتوفه
واسمعته ناده الحراس وين العقيله
وين الكفلها العباس وين العقيله
خل دمعتي تحجيلك مهظومه وأشتكيلك





الشام الشام مصدر حزني والآلآم بذبح حسين عدهم عيد اهل الشام
عيالك بالخرابه اعله التراب اتنام مكســــــورة خواطرها حرم وايتام
يوم اربعينك رديت مشتاكه اشوفك
تنهض اليه تمنيــــت مشتاكه اشوفك
واتكوم الي اعله حيلك مهظومه وأشتكيلك

اشلون صواب دهر الشوم صوبني ونين العيله يا عباس شيبني
وحده تصيح بويه الدهر عذبـني وحده تصيح خويه اوحده آيبني
ولاتســـــأل الطفله وين ماتت رقيه
خويه على نحر حســين ماتت رقيه
خل يعتلي عويلك مهظومه وأشتكيلك
خادم الحسين (عليه السلام)
كرار حسين الكربلائي

[خليل علي الزبيدي]

أحسنت أحسنت أخ كرار

[نداء الكفيل]

أعتذاري للاخ كرارلعدم قراءة قصيدتك فيما مضى لكن القصيدة رائعة جدا جزاك الله خيرا

[كرم الزهراء]

حياك الله اخي الفاضل كرار حسين
قصيدة رائعة جدا تسلم اناملك
حفظك الله

[حيدر الحاج حسين]

احسنت كرار حبيبي يا مبدع : اخوك ابن الحجي