قصيدة المشايه لهذه السنه

[كرارحسين]

زوارك نرفع الرايه زوارك جينه مشايه

الدنيه مودنيه بدونك سيدي وماتسوه يالخدمتك علمتنه المرجله والنخوه
نكصد وميهمنه خلي ينزف دمنه
ياحسين ويابوفاضل نهتف بكل خطوه
ولدارك كلنه عنايه زوارك جينه مشايه

بهالمشي يبن الزجيه للعقيله نواسي كل موالي يصيح بسمك انت رفعة راسي
والله لوذبحوني ابد ميـمـنعوني
جعفري رافضي شيعي بغيرتي عباسي
انصارك اترتلك آيه زوارك جينه مشايه

انت عزتنه وحمانه ولايذين بسورك تبقه مصباح الهدايه ومهتدين بنورك
نعاهدك للتالي حسين انت الغالي
لو الف مره انذبحنه هم نجي ونزورك
خطارك نبقه وفايه زوارك جينه مشايه

انت دين وانته دنيه وصوره انت برمشي خل اموتن بس ازورك بيدي جايب نعشي
يالضريحك جنه زحوف الك نتعنه
وحته جبرائيل حافي بأربعينك يمشي
اسرارك غاية الغايه زوارك جينه مشايه

كالو يفجرون واصرخ فدوه لجل اعيونك معاهدك من الطفوله سيدي وماخونك
بدربك اتمناها الموته يا محلاها
دارس بمدرسة عابس واصبحت مجنونك
احرارك تهتف ويايه زوارك جينه مشايه

نقسم بضلع الزجيه والكمر وجفوفه سيدي نبقه اعله حبك للابد منعوفه
بخدمتك نتباها كربله نهواها
مرقدك بيت الله واحنه محرمين انطوفه
يالنارك بينه سرايه زوارك جينه مشايه
خادم الحسين (عليه السلام)
كرار حسين الكربلائي

[خليل علي الزبيدي]

كلمات جميلة أخ كرار
موفقين

[علي حسين الخباز]

الاخ كرار حسين الكريطي الكربلائي .. اولا ارحب بك في منتدى الكفيل وفر حت كثيرا بوجودك رغم اني كنت قد قصرت في دعوتك للا نضمام الينا وقد اتصلت فيك عدة مرات بهذا الشأن واكثر من مرة كانت الردود من جماعتك وزحمتك انت في الزيارة الاربعينية .. فاهلا بك بيننا اخ وقائد ، واشكر الاستاذ ابو آمنة الذي رحب بك وبرر غيابنا وقصورنا عنك هو محق ، نحن اول من احتفينا بشاعرنا كرار وهذه حقيقة لابد ان تذكر لكننا لم نعطه حقه بعد ذلك وسنحاول جاهدين الاعمل بما يرضي الله والعباس وجميع الاخوان ... اخي كرار كنت قد انشغلت باصدار روايتي ( مسيرة الاربعين الحسينية ) والتي صدرت اخيرا وما زلت اعمل لاصدار رواية عن الانتفاضة الشعبانية .. وان شاء الله ستصدر في الشهر الثالث وهذا ما جعلني اقصر عن استقبالك فالمعذرة .. تقبل محبتي والف شكر للاستاذ ابو آمنة

[حيدر الحاج حسين]

هذا تربات ابو فاظل شلون ما يصير مبدع