تويت
حائرا دمعي وما كف السؤال = وجراحي تنزف والبعد طال
ويامصاب اتئملة دموع عيني سايلة
دمعي سال وتشرح ادموعي المصاب
بعيني كل يوم اليمر ذاك العذاب
وماهدت جمراتة لحظة وعني غاب
الياجرح ارعى ولمن ابدي العتاب
انظر الجرح ودمع العين سال= وجراحي تنزف والبعد طال
ويامصاب اتئملة دموع عيني سايلة
ارثي بدموعي الجرت طه الرسول
ولوعة مصابة وكسر ظلع البتول
وطبرت المحراب عنهه شرد اكول
الدين بيهه تصوب وفرض الاصول
تاه فكري ولمن ا بدي الوصال== وجراحي تنزف والبعد طال
ويامصاب اتئملة دموع عيني سايلة
انظر الجبد الحسن سم وسهم
بيها ينصاب النعش لا ماسلم
وعين ابو فاضل تدير بكل الم
شلون صابر ياترا راعي الشيم
وبنعش المجتبى شر النبال= وجراحي تنزف والبعد طال
ويامصاب اتئملة دموع عيني سايلة
الحيرت حسين ومصابة بكربله
وزينب واية هظم هل عايلة
سال دمعي الكل مصاب اتخيلة
ونتحب وينك يراعي المرجلة
هاهو شمر بارضي لايزال= وجراحي تنزف والبعد طال
ويامصاب اتئملة دموع عيني سايلة
للشمر وذنابة جم صورة تكون
بانت واضحت تشاهدها العيون
صاحوعله الشيعة لابد ينتهون
واحنة صحنة انصرك وكل شي يهون
عهدنا ياسيدي عهد الرجال= وجراحي تنزف والبعد طال
ويامصاب اتئملة دموع عيني سايلة
مانشف دمنة يدر دم المصاب
يدة من يوم السقيفة على العتاب
وجم جرح يالمهدي تنتظرة الحراب
وجم حلم بيه انقتل واصبح سراب
الجبت والطاغوت حيا لايزال== وجراحي تنزف والبعد طال
ويامصاب اتئملة دموع عيني سايلة
========
الحمد لله ابو حسن المياحي
الحمد لله ابو حسن المياحي
تعليق