بهلولياتي

[غسق التميمي]

بهلوليات
*~*~*~*~*~
ياغافل اصحى واسمعني
بس خل احجي ولا تقاطعني
افتح عينك وسد ذاناتك
وبگلبك رايد ---تسمعني
عندي احجاية
من الف حجاية
درس وعبره
وبيها غاية
اذنوبك ضلت تتحمل
انطيها stop"" وگلها كفاية
لا تگلي بس هاذي هلمره
وبس هلمره
شوف اذنوبك ترست جره
وهاي المره
وتعيد الكره
وتبقى بحســـــــــــره
مو الله شوية يمهلنه
افهمني بس مره افهمني
يا غافل اصحى واسمعني
شنهو يفيدك جمع المال
وتسطرهم كومه اعيال
لو كبرو عنك يمشون
ويخلونك بأسؤ حال
تذكرني بيها تذكرني
ياغافل اصحى واسمعني
ما تنفع غير الاعمال
شيسويلك جمع المال
شوف الجمعو
شنهو الحصلو
گللهم هم اخذو منها
لا لا لا ما تقنعي
ياغافل اصحى واسمعني
بقلم غسق التميمي

[عطر الكفيل]

جميلة هالابيات
سلمت اناملك وبارك الله فيك

[غسق التميمي]

وبارك الله بهذا المرور المبارك اخيتي عطر الكفيل

[ابو فاطمه البصري]

عاشت ايك على هذه الابيات الجميله وبسيطة القراءه ندعو لك بلموفقيه ونجاح يارب

[خليل علي الزبيدي]

جميلٌ في جميل ٍمن جميل ِ

[غسق التميمي]

أيها الرائعون اتنفسكم شوقاَ

[كرم الزهراء]

تسلم ايها الشاعر الكبيرغسق التميمي
ابيات ولااروع
موفق لكل خير

[غسق التميمي]

شفيعتكِ الزهراء ان شاء الله يا اخيتي كرم الزهراء

[علي حسين الخباز]

منلوج جميل سندويجة شعرية مبدعة احسنت صديقي

[احمد الحجي]

جميلة جدا بوركت جعلها الله في ميزان حسناتك