وجه الكون تغير وهلت دمعة حيدر
بمصابك هاليوم
جفنك غمض يالهادي والكون ا ندار
وشفنة الصحابة تنكرت والانصار
رد الشرك ووثانة ردة تنزار
وتجهر غدت فوك المنابر فجار
طه وصار الاكثر =هلت دمعة حيدر
بمصابك هاليوم
بعيونك تصد وتعاين ياريت
وتناشد اصحابك يا طه شوصيت
اول مصاب عله امتك حين امشيت
صاحو ابد متجتمع عد ها لبيت
وبعدك منهو تصدر= هلت دمعة حيدر
بمصابك هاليوم
بالامة بعدك سيدي عاث وساد
اصحاب المطامع والفتن والاحقاد
وللجاهلية المجتمع رد ينقاد
وفتوة التطرف اصبحت عدهه ارشاد
اجساد اضحت تتفجر = هلت دمعة حيدر
بمصابك هاليوم
سيد البرية من امتك هاك علوم
يهود التسيرها وديانتهه ارسوم
ومن واله حيدر ينهدر دمة اليوم
وبسم الديانة اسفكة اليوم ادموم
ينزف دم المنحر = هلت دمعة حيدر
بمصابك هاليوم
بحقد النواصب سيدي الدين انصاب
وساد التطرف ولبدع والارهاب
وتسيد بثوب الزهد جم جذاب
ينادي بظلاماتة ويمجد الاصحاب
اهل الشروالمنكر =هلت دمعة حيدر
بمصابك هاليوم
ياخيرة الله شماجرة وبعد الصار
بحقد وضغبنة تمثلت الكرار
وشاهد يظل علة الفعل باب الدار
وتلهب تظل بكل عصر ذيج النار
وتشرح ذاك المنظر= هلت دمعة حيدر
بمصابك هاليوم
ابوحسن المياحي
تعليق