قصيده للسيدة زينب

[همس الواسطي]

اشوف الدمع يتراجف بالعيون ======ويم زينب دموع العـــــــــين ترتاح
تتراجف اغصان الشجر بالريح =====وتكسر جم ضلع لو صارت ارماح
اليغرك بالعشك صدكني مستور===== اليغرك بالدمع للستـــــــــر ما لاح
اليطيح بنص نهر ينستر بالماي =====بس الدمع ينزع ثوبه اذا طـــــــاح
مو قلت سفن بس تختلف ليش =====لان عباس يرهم بيهــــــــه ملاح
لتشبه عطر زينب بلـــــورود =====بدخان الخيم شمينه قــــــــــــداح
عد اليمه باب الكرم مــــفتوح =====بس باب الكــــــرامه بلايه مفتاح
كلهه ايتام تبجي ابابج تصيح =====لان راسج تعـــود يسمع اصــــياح
ليل الحزن فوك اوجوهنه يبات==== وبس ابجي الشمس تتوشح اوشاح
كبل المطر اسود وجه الغيوم ====ويصير ابيض وجه صدكني اذا ناح
زينب فوك بس مو مثل لطيور==== وفرق ظل العشك عن ظل الجــناح
ابظل العشك تغفه عيونه تنام ====بس الجنــــح ياخـــــذ ظـله اذا راح
كل دمعه بعيونج بيهه تذكار===== وهنياله البجفـــــــــــه الدمع ينزاح
مرات الحلم يوكع بالدموع===== وبس دمعة عيونج ترهم ســــــلاح

[علي حسين الخباز]

اهلا ومرحبا بك ايها الاخت همس الواسطي ومرحبا بك في منتدى الكيفل الساحة الادبية وتقبلي دعائي

[ابوسجادالمنصور]

أحترت أي الابيات أقتبس لأعبر عن اعجابي
كل الابيات رائعة بروعة زينب ورائعة بروعة كافلها
عشت قلما وروحا لمن تمدحهم الدموع فتفرح
ولمن تعانقهم الجراح فتندمل
تقبلي اعجاب وتحياتي

[احمد الحجي]

وفقك الله وجعلها في ميزان حسناتك
نقلت في نفس القسم ابيات عن السيدة زينب وهزني رد الاخ الشاعر غسق التميمي واحببت ان اكرره والذي قال فيه

على زينب قصايد لاتكتبون

حدكم وي زينب بيت بيتين

من تكثر اخاف تصير ديوان
وزينب وينها وين الدواوين
منقول