تجديد في لون الشعر الشعبي

[غسق التميمي]

أمتانيكم جنت
أمتانيكم تجوني وغفت فوك اشفافي
بسمه
مخنوگ ومتاني منكم يجني طاري
نسمه
گـلبي مفتون بهواكم
باع كل غالي وشراكم
ويلي ضاع العمر كل العمر
يمشي متبوع بخطاكم
زغير العمر لكن بـگــد الكون
حلمه
وعنده جلمه
طرزت بيها الشفايف
المشتهية تشمه
متانيكم مثل الارض بوگــت الــگــيض
وتاني المطر
متانيك مثل شاطي اليسافر
ناطر شراعك يلوح بجنح النوارس
خبر
بروجك الي يداعبه نور
الـــگــمر
تغيب عن شوگ لياليك گــمره
تنذبح احلامي البريئه
بأيد ظلمه
وأضل امتاني سماكم تطلع شمسه
يفز الندى الغافي بأحضان الورد
يسولف لغصان الشجر حلمه
امتانيكم امتانيكم
فاضحني شوگــي ومـگـدر
أظمه
"غسق التميمي"