تويت
گله صبر
مليت حتى من الصبر
وكرهت شي اسمه صبر
تعطس يوگولك صبر
تمشي يصيحولك صبر
ماشفت راحه بهل العمر
ظلمه حياتي مــــــن گبل
والله اذكــــــر من زغر
ما شفت راحه للكـــــــبر
وينــــــــــــــــــــه الفرح
شـــــــــــــــــو ما اجه؟
يمته يـــــــــــــــــــمر؟
وان ما اجاني شلعذر
برايك اعمله عمـــل؟!
اشدله خــــــــــــــــرز
سحار يسويله سِحر
صبر............ صبر
بس موتي ماعنده صبر
لحظات كلشي وينتهي
والروح من عندي تفر
مو معصوم واتحمل ترا
لا آيوب خاطر اصطبر
اني بشــــــــــــــــــــــــر
هم حد الية وانفجر
يسألني عن اسمي صبر؟
لا عمي والله مو صبر
اني جــــــــــــــــــــبر
والله .............. جبر
من بطن امه للـگبر
"غسق التميمي"
تعليق