حب الحسين

[رضاكي يا امي]

حب ابو الاكبر يقيــني وديني
ابقى حد الموت اهوى حسني
************
انه احب حسين حد گطع النــحر
واركب بحبه عله دروب الخطر
وگلبي من هول الفجيعه ماصبر
يجرني حيل الكربله يوديني
*********
يجرني حيل لكربله يعتني الهوى
ومن اطب بيـــها امر راعي اللوا
حتى انشده شلون عالغـبره هوى
ورد عليه ارجوك لاتاذيني
*********
لسان حاله ارجوك يالتهوى الحســين
رايدك تلطم لان ماعــــــند أيــــــدين
وابجي عن عيني السهم طافيلي عـين
ويه الدمه جمّد دمعتي بعيني
***********
ترى حال الموت بيــــــني وبينه
وماگدرت اطفي لهيب سكـــــينه
ماي فض عله العزه ورويـــــنه وصيح يالعطشان بس ناديني
*************
صيح بــــــس ناديني يالرايد الماي
عندي الك محسوبه بالمحشر وفاي
انه ابو فاضل الي هالمـــــيزه هاي
اوفي يـــوم الحشر لليوفيني
*************
اوفي للخدام كلــهم بالحشر
جفوفي يوم الهول للجنه جسر
كون تفرح يالموالي وتبــتشر
دين هالخدمه واوفي بديني
**********
طلعت من باب الفضل بالجائزه
واعلا رتبه روحي منه حائزه
عندي مطلب والحسين الينجزه
بيوم موتي وبالگبر يلفيني
**********
ماتم انصب اله بـــين الحرمـــين
روحي لمصابه يرافگه الـــونين
ريت نحري بدال مگطوع الوتين
وعاري ريت وانه المسلبيني
**********
اسالكم الدعاء لي ولوالدي
خادم اهل البيت ((عليهم السلام))

[همس الواسطي]

[خليل علي الزبيدي]

يارب وفـِّق كاتب القصيدة وناشرها

[رضاكي يا امي]

يوفق جميع يارب

[من نسل عبيدك احسبني ياحسين]

موفق أنت ووالداك

[علي حسين الخباز]

الاخ ( رضاك يا أمي ) المحترم رحم الله والدك كنا نتمنى معرفته رحمه الله ايها الغالي الف شكر لهذه القصيدة وتقبل مودتنا ودعواتنا بالخير