تبسّم عل الربيع وفتـّح ازهاره ـــــــــــــــــ أبو الزهره بوجوده البحر يتجاره
ــــــــــــــــــــــــــــــــــــــــــــــــــ ـــــــــــــــــــــ
أول ما خلق نور النبي المحبور ـــــــــــــــــ ومن نوره طلع باكوانها كل نـــور
ﮔـَبل العرش والافلاك ﮔبل الحور ـــــــــــــــــ ﮔبل السبع والأبراج أنــــــــواره
ــــــــــــــــــــــــــــــــــــــــــــــــــ ــــــــــــــــــــ
ﮔـَبل جبريل سبـَّح طه للمعبود ـــــــــــــــــ وكبَّر ﮔـَبُل كل املاكها المحـــــــــمود
ﮔـَبل نجومها وﮔـَبل الـﮔـُمر موجود ـــــــــــــــــ وﮔبل آدم الروح يشـِيد باخباره
ــــــــــــــــــــــــــــــــــــــــــــــــــ ــــــــــــــــــــ
لينكر باب علمه ناكر علـــــــــومه ـــــــــــــــــ ونفس الماتوده تعيش محرومه
محمد سمه الباري وعترته نجومه ـــــــــــــــــ ببراج الكرم تتضــــاحك اقماره
ــــــــــــــــــــــــــــــــــــــــــــــــــ ــــــــــ
لتـﮔول النبي ميفيد عاش وراح ـــــــــــــــــ محمد هوا الباري وللبشر مصباح
نافخ بالنفوس وقابض الأرواح ـــــــــــــــــ وناكر هالفـــــــضل ماينغسل عاره
ــــــــــــــــــــــــــــــــــــــــــــــــــ ـــــــــــــــــ
مِلـَك صك الشفاعه وبيرغ الأنعام ـــــــــــــــــ وبحب آل بيته الدين عاش وﮔـام
بولاية آل أحمد وحدة الإســــلام ـــــــــــــــــ ملـَّكهم لواءه وعـِـــدهم اسراره
ــــــــــــــــــــــــــــــــــــــــــــــــــ ـــــــــــــــــ
باﭼر وارث المختار وجنوده ـــــــــــــــــ يرد الدين غض وينشر حدوده
يرفرف رايته وينفذ وعوده ـــــــــــــــــ ولوجه النفاق يمزق استاره
ــــــــــــــــــــــــــــــــــــــــــــــــــ ـــــــ
ميضل ظلم فوك الـﮔـاع ماينهار ـــــــــــــــــ ويُحكم بالعداله بصارمه البتـّار
يمشي ويَ العباد بحكم حامي الجار ـــــــــــــــــ ليوث الغانمة يـﮔولون أنصاره
ــــــــــــــــــــــــــــــــــــــــــــــــــ ــــــ
أحَلـْفِ المصطفه بعيون ابوابوسجاد ـــــــــــــــــ ينصر شيعة الكرار عالاوغاد
ويـطهر الارض من عصبة الإفساد ـــــــــــــــــ ولـﮔبر العقيله نصير زوراره
*******************
أبو آمنة
أبو آمنة
10 ربيع الأول 1434
تعليق