الصادق الامين

[رياض الصخني]

اكصد للنبي اوزوره**تتبارك وفرح بنوره
بزيارة ابو القاسم**تبكه الروح مسروره
***************************
نريد نزور هادينه**صوت الحك ينادينه
بحبه الله يهدينه**يحقق كل امانينه
للمصطفى تعنينه**بيه الله كتمل دينه
*********
وبدمه فده الاسلام**شامخ بطل ماينضام
علمنه نصير زلام**وبزوده رفعنه الهام
وبحبه فلا نلام**رمز العدل هادينه
*********
بشره وخير للامه**من الله اخذ علمه
للعالم اجه رحمه**بعرش الله نكتب اسمه
وبيه الزود والهمه**عز وشرف هادينه
*********
منشراف العرب هوه**وكل عطشان بيه يروه
والدنيه زهت بسمه**تاج العلم والصحوه
اصله منادم وحوه**واشرف اصل هادينه

لخادم الزهراء السيد انيس ابو حيدر الكيشوان الموسوي
نبارك الامام الحجه(عج)والامه الاسلاميه ومراجعنا العظام
مولد الهدى وسيد الكائنات الرسول الاعظم ابو القاسم
محمد عليه وعلى اله افضل الصلاة والتسليم

[علي حسين الخباز]

الاستاذ الاخ رياض الصخني اهلا ومرحبا بك في الاقسام الادبية لمنتدى الكفيل وارحب بك باسم جميع شعراء وادباء وكتاب المنتدى سلمت ومبارك عليك هذا الانتقاء الجميل