تويت
الليله ميـلاد الوفـه
بنـور شع المصطفى
على الكونين ----- على الكونين
الليله ميـلاد التحـدي والخـلـــود
وصار معــنى للحيـاة وللوجــود
نور أبو ابراهيم ماله كل حــدود
والجهــل راح وبعــد لا مايعـود
وصار للعــالــم درس
من طلع فجر الشمس
على الكونين ----- على الكونين
الليله عنوان المحـبـه والسماح
لان نــور المصطفى بيـن ولاح
بالصــدر نشوه نحس وانشراح
وأبد ما نندم على اللي راح راح
يالموالي بهـل فرح
نزل جبريل وصدح
على الكونين ----- على الكونين
الليله تزهي الدنيه والكون أبتشر
لان وضعــت آمـنـه الـلـيـله گـمـر
نـزلـت الأمـلاك زفــت هـالـخـبــر
على الدنيه وهالخـبر كله أنتشـر
وأنـولد سيد العـــرب
وبالنسب أعظم نسب
على الكونين ----- على الكونين
الليله صار المايصـيـر بكل أوان
نــور طه الـلـيـلـه شع بكل مكان
ونــزل الباري السكيـنـه والأمان
وجعل بي كل الشفاعه والضمان
صار عـنــوان الحيـاة
وفضله بكل الصـفات
على الكونين ----- على الكونين
الليله شعشع نور طه اعله المله
وعالبشر رحمه وهـدايــه نـزله
خـلـق هــاي الـدنـيــا بـارينه ألـه
وسلمه الــديــن ومحـمــد كـمـله
وبأمر رب السمـاء
خـتـم بـيـه الأنبيـاء
على الكونين ----- على الكونين
أبوذيات لميلاد الرسول (صل الله عليه وعلى اله وسلم )
مـيــلادك يـظــل كل وكـت ---- مـنهـل
وعليك الدمع بس للـفـرح ---- مـنهـل
يـومـك يا أبـو أبـراهــيــم ---- مـنهـل
السموات السبع صارن ثـريه
أدگ حـزني فـرح كـلـه ---- ونـعــمــه
وأشوفك بالگلب حاضر ---- ونـعــمـه
الـبـاري أرسـلـك رحمه ---- ونـعــمـه
على الكون بشرف يابو الزچيه
عليك أعـضاي أسحگها ---- وارضها
وأحـس بحب تخاصمني ---- وارضها
السمه أهتـزت ابميلادك ---- وارضها
لأن نورك تشعـشع عالوطيه
تعليق