قصيدة بحق سعيد بن جبير رضوان الله عليه

[احمد الحجي]

اريد اوكف وصيحن وين ابو الغيرة
اليحزن عله سعيد بكل تعابيره
************************
يحزن عله سعيد ويعتني لكبره
وعله امصابه النواظر تسجب العبره
واويلي يصيح ويجذب الحسره
على الكطعوا وريده وعرف تقديره
****************************
خل يعرف سعيد شجان ايمانه
بحب ال الرسول ونهج قرانه
علم ومعرفه وتفسير برهانه
وبحيدر علي الكرار تفكيره
*********************
تفكيره بعلي وعلمه صبح نبراس
من زين العباد وصار رفعة راس
سعيد البيه وكفات الزلم تنقاس
ماهزه الممات وسيف شريره
**********************
ماهزه الممات ولا وكف محتاج
يترجه الحياة ومنصبه والتاج
سعيد بدم وريده حطم الحجاج
بعلمه وسر وجوده وحسن تدبيره
*************************
طلب خصمه يكله من الزمن مهله
وباخر حياته الطاهره صله
مشه بدرب الشهاده وبالعزم كله
وبدم الشهاده صبح تطهيره
**********************
وكف صبر العراق يواجه الطغيان
بكل معنى الرجوله وثابت الايمان
ما همه الممات وكل بني سفيان
بس نهج الرساله بروحه تفسيره
***********************
الهي من بعد سيف القدر والبين
لاتسلط الحجاج ويدير العين
انه اخر قتيل بجاه ابو الحسنين
استجاب الله لدعائه بكل حذافيره
**************************
استجاب الله لدعائه من كطع نحره
سيف الطاغيه ودم النحر يجره
نطق راسه الشريف بعالم القدره
بسم الله العظيم ينادي تكبيره
***********************
قارن ياموالي واكشف الاسرار
وين اكبور اميه ابيا وكت تنزار
وانظر كبة اسعيد التشع انوار
لهل الحي امان وتحرس الديرة

الشاعر
الملا حميد الحياوي

[خليل علي الزبيدي]

قصيدة جميلة
وفقك الله أخي العزيز أحمد الحجي
وسلمت يمين الشاعر المبدع الملا حميد الحياوي

[احمد الحجي]

المبدع ابو امنه نورت موضوعي بمرورك الكريم