دارميات من العقيده تنتظر الرد والجواب

[الشاعر الغريب]

^{بسم الله الرحمن الرحيم}
اللهم صل على محمد وال محمد

دارميات من العقيده تنتظر الرد والجواب
***************
شوصه النبي المختـــار كبل المنيه
وشنهي الجره والصار يوم الرزيه
ـــــــــــــــــــــــــــــــــــــــــــــــــ
الزهره سكتت ليش من حركو الدار
مانادت بهالصوت احضـــــــر يكرار
ــــــــــــــــــــــــــــــــــــــــــــــــــ ـــ
شنهي السبب كرار ماشهر سيفه
من هجمو اعله الدار اهل السقيفه
ــــــــــــــــــــــــــــــــــــــــــــــــــ
ليش الوصي الضرغام عاف اليعادوه
ويدري بخبر موثوق يــــــعلم يغدروه
ــــــــــــــــــــــــــــــــــــــــــــــــــ
صلح الحسن ياناس وي ا ّل أميه
شنهي السبب سواه واليـــــاقضيه
ــــــــــــــــــــــــــــــــــــــــــــــــــ
لوما يثور حسين هالدنيه شتصير
هذا السؤال اليوم يطلبله تفــــسير
ــــــــــــــــــــــــــــــــــــــــــــــــ
المن اخذ الحسين اهله وعيــــاله
وليش الكمر عباس عنده الكفاله
ـــــــــــــــــــــــــــــــــــــــــــــــــ
اسأل سؤال بنوح ويهدم الحـــــيل
ليش الجسد سحكوه بحوافر الخيل
ــــــــــــــــــــــــــــــــــــــــــــــــــ ـ
لو طاح ابو الســجاد من كبل عباس
بحال الكمر شيصير خبروني ياناس

[نداء الكفيل]

كلمات رووووعة اخي الفاضل سلمت يداك
تقبل مروري

[خليل علي الزبيدي]

ﭼنـَّك يبعد الروح ماتدري الأســـباب

كل الجره والصار من حرﮔـَةْ البـا ب

[الشاعر الغريب]

انه ادري باللي صار بس ردت الاجواب

وادري الضلع كسروه من دفعة الباب

شكرا على مرورك الكريم

[محبة المهدي الموعود]

السلام عليكم ورحمة الله وبركاته

شكرا لك اخي

بارك الله فيك على الموضوع

وجعله الله لك ذخرا يوم الحشر

[سيد صلاح الخرسان]

إلى حبيبي الغالي الأستاذ ___ الشاعر الغريب ___آسف لتأخير الرد لم يكن لي به علم و لم يكن لدي حساب وهذه فاتحة خير من خادمكم

خادم أهل البيت ___ سيد صلاح الخرسان

الرد بيت ببيت ** حسب ما جاء عندكم **** سوى الأخير فقد أسهبت به الحمية الهاشمية

وصى النبي المختار بضعة الزچية
و عصروها بالتمهيد للغاضرية
.....................................
لو نادت أم حسين حيدر يمغوار
چا خلا كل الكون ساعتها طشار
_________________
ساكت لجل الاسلام ما سكت خيفه
بحبل الوصية انقاد راعي الوظيفه
__________________
قبل الجني الحساب خِلـّه يصدروه
و شان الأيمة أخلاق دينك يصوروه
____________________
من أجل حفظ الدين ونفس الأبيه
صلح الحسن تمهيد للغاضرية
_______________
لو دمايه حسين وسط الظلام نسير
و دام الظلم و الجور ما تلـگـى تغير
________________

حجه و عهد حوراء تحمي الرسالة
لقدر الـگمر توضيح بيده الكفالة
____________________
علغبرة طاح الدين وينادي مجروح
تغطى بجسد الحسين من عنده أخذ روح
________________________
بوضع السؤال الأغلاط محتاجه مقياس
گول شسبب مخلوق تكوينه عباس

أصرخ و أگلك آآآآآآآآآآآه و ألطم على الراس
يتفدى أبو السجاد لا توصله أرجاس

كل عقلك إنت يصير يرضاها الإحساس
لو شمر يدنى حسين و بعضيده أنفاس

يـگلب ثنايه الكون و بزوده متراس
وسبع العلا اعله الـگاع بجدامه تنداس

[الشاعر الغريب]

بسم الله الرحمن الرحيم

اللهم صل على محمد وال محمد الطيبين الطاهرين

وفقك الله اخي سيد صلاح الخرسان هذا هو الرد الذي يشفي الصدور

بارك الله بك وبقلمك جعلنا الله واياكم من خدام خدمة الحسين عليه السلام

اقدم شكري وامتناني واقول

سيد صلاح اليـوم حل القــــــــــــضيه
وجاوب جواب اصحيح يرضي الزجيه
ــــــــــــــــــــــــــــــــــــــــــــــــــ ـــــ
بس انت هالرديت باجـــمل عباره
وهذا الجواب اهواي طال انتظاره

[علي حسين الخباز]

راية الثورة اتصير.....لليرفض الجور

راس عالرمح مرفوع....والضلع مكسور

[علي حسين الخباز]

السيد صلاح الخرسان المحترم .. يسعدني ان ارحب بك باسم شعراء وشاعرات وكتاب وكاتبات الساحة الادبية في منتدى الكفيل فتقبل مني المودة والدعاء

[احمد الحجي]

موفقين على هذه المساجلة الشعرية

وبما اني قلت مسبقا لست بشاعر ولكن طيبتكم جعلتني اتجرأ واتطفل على اختصاصكم واكتب هذا البيت واعذروني اذا كان غير مطابق لقواعد الشعر ولكم الحق في التعديل عليه

موصه بالــزهراء عصروهــا بالــباب
لو ما وصيه شصار كولولي يصحاب