إعـــــــلان

تقليص
لا يوجد إعلان حتى الآن.

الله عالم

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الله عالم

    الله عالم

    بسم الله الرحمن الرحيم
    اللهم صل على محمد وال محمد اولي الامر الذين فرضت طاعتهم
    اللهم وفقنا لخدمة الحسين
    قصيدتي بعنوان الله عالم {موشح تام وتسمى ايضا 3/4شيعتي}


    الله عالم **** بحب الحســـــين ونهجه تربيتي

    اتمنه خادم *** خادم حقيقي ومخلص بنيتي

    دعائي **** ابقه بولائي
    ********************
    فطره حب حسين والباري زرعـــــــهه

    احمد الله واشــــــكره بكلبي طبـــــــعهه

    وكل كرامات البشر دمـــه الصـــــنعهه

    شلون شــيعه اللي عليه متهل دمعهه

    يبقه حدادي ***** كلما اذكره تهمل اعيونـي

    هذا سوادي ****** دايم البسه شما يلوموني

    بدمائي**** ابقه بولائي
    ******************

    اني من جنت بمهد غـــــــــذوني حبـــــه

    والعلك حـــــــــدر المخده بنصه تربــــــه

    كمت احس بيه وبشعوري جني قربــه

    والعطور الجنت اشمه حلـــــــوه عذبـــــه

    عذبه عطوره *** كلمن موالي ومخلص يشمهه

    ولو يزوره ***هاذي العباره يمه يفهمــــــــــهه

    بوفائي ***ابقه بولائي
    **************************

    ارتباطي من الصغر ويه ابو اليمه

    امي تقرالي نشيد تلولي باسمـــــــه

    جنت احس بيهه تنـــــاغيلي وتكلمه

    وعلمتني اعله الطريقه البيهه اخدمه

    من الولاده ***عالخدمه هاذي اهلي علموني

    والسعاده *** حبه بحليـــــــــبي همه غذوني

    رجائي *** ابقه بولائي
    **********************

    حسين من وكت الطفوله اصبح نشيدي

    بحبه يجري هالدمه وينبض وريـــــدي

    بالشـــــــــدايد عندي ابو اليمه عضيدي

    ولو يسجلني ابكتابــــــــــه يصير عيدي

    امنياتي *** اتمنه اسمي بدفتره مكتوب

    كل حياتي *** تبقه خدمتي ومنهه لاماتوب

    هنائي *** ابقه ابولائي
    ***********************

    اهلي زرعو هالمحبـــــــــــــه من اساسي

    واصبحت هالخدمه الي تاج اعله راسي

    بــــــــروحي تسكن كربله وذيجه المئاسي

    ابقه طول العمر اني اخـــــــــــدم وواسي

    هذا عهدي ***ما انسه يوم حسين ومصابه

    اوفيله وعدي *** وابقه اذل الروح يم بابـــه

    بلوائي *** ابقه بولائي

    *************************

    والله لوما حسين ما تسوه حياتي

    هوه كلشي بدنيتي وكل امنياتي

    ساكن بنص الكلب وبذكريــــاتي

    وانه لو عنه ابتعد اعلن ممــــاتي

    لو اسئله ***هوه وعضيده ما يخيبــــــــوني

    ما امله *** حته لون كل ساعـــه فجروني

    بفدائي ****ابقه بولائي
    ***********************

    التعديل الأخير تم بواسطة الراصد الجديد; الساعة 22-02-2013, 11:02 PM. سبب آخر: حذف روابط
يعمل...
X