تويت
بسم الله الرحمن الرحيم
اللهم صل على محمد وال محمد وعجل فرجهم وفرجنا بهم ياكريم
تـــــــــم اتفاق **** قبـــــــــــــل الفراق
أي اتفاق جرى**** بين سادات الورى
*****************
بتبليغ العظيم الواحـــــــــــــــد القهــــار
اتفاق الصار شخصي ويحمل الاسرار
بين المصطفه وبين الوصــــــي الكرار
كشف بيـــــه النبي حزنه وحجه الاخبار
وحيدر يستمــــــــــــــع وبكلبه وجت نار
أيُ شيء ياترى*** بين سادات الورى
***************
عله فراش الاجل ويوصي ابو الحسنين
يحجيله بألم وتهل دمه العــــــــــــــينين
يكله الام بعدي تجري عالطــــــــــــــيبين
جروح هواي لا واحد ولا جرحيــــــــــــــن
يحيـــــــــــــــــدر بالصبر يكمل مسار الدين
يكله يارســـــــــــــــــــول الله الصبر لا وين
ذكر المصاب سرى *** بين سادات الورى
****************
أنــّـــــــــه بهاليـــــله ياحيدر اودعنك
وادري اكبر مصــــيبه لو غبت عنك
الاشــد منهه بيهـــــــه اليوم اخبرنك
جبل فولاذ ياحــــــــــــــــــيدر اريدنك
علي ايكله يــــــــــبو الزهره كثر ونك
تضم سر ياحـــــــــــــــبيب الله اشوفنك
سر عظيم لا يُرى*** بين سادات الورى
*****************
الاشــد منهه مصيبه بكلبك اتصوبك
بيـــهه ياعلي يذوب ويطك كلـــــــبك
يهد حيلك خبرهه والله ويشــــــــــيبك
طيحـــــــتة بضعتي يالمرتضه تعذبك
شنهي موقفـــــــــك لو تنهضم كربك
كله الدنيـــــــه اكلبهه وحـــــــك ربك
كل شيء تكدرا *** بين سادات الورى
*************************
يكله تشوف احــزان وقـــــــهر والام
وادري بيك عله كســر الضلع تنضام
صبرك ياعلي صــــبرك عله الظـــلام
اعلم لو تصول تصير كلـــــهه اقزام
بسيفك ياعلي شع ونهض الاســـلام
تره بصبرك ترف وترتفع الاعــــلام
أي الضلوع كسرا *** بين سادات الورى
**********************
اتفقنه ياعلي وتوقعت الابنــــــــود
وكل ما صار بأمر الواحد المعبود
عله البضعه كلبي من القهر ممرود
الحمــــــــد لله أنه بطيحته ماموجود
عفه صبرك يحيــــدر ما تجده حدود
ويه ابن الحسن كل حك يرد ويعود
صبر الشموخ اثمرا *** بين سادات الورى
تعليق