تويت
اللهم صل على محمد وال محمد وعجل فرجهم وفرجنا بهم ياكريم
جبـل الصبر
جبـل الصبر
****************
بتارخ الامم عبره وقصص ودروس***بعيون العقل بيهه اقره واتعــــــــــــرف
ملاحم وي مدارس كثره راح تشوف***واروع هالملاحم ملحـــــمات الــــــــــــطـف
لان بيهه الحسين وصحبته السبعين ***رفعو للعدالـــــه اطهر علم واشــــــــــــرف
واعظم مدرسه يشهد لها التــــــاريخ ***مدرسة الحســــــين البيهه نتشــــــــــــرف
منهه تخرجت حوراء ال البيت*** ونتيجتــــــهــــه عظيمــــــه واول اعله الصــــف
شوصف بيج وانتي للعقل عنوان**ومثل بنـــــــت الصميده ابــــــيش تتوصــــــــــف
ضكني المستحه والخوف من تقصير***وقبل كلشي اقدم عـــذري واتــــــــــــــاسف
شكتب والقلم منج خجل شيكول***وانتي من الشعر اســــــــــــــمى وارق والطــــف
يابنت النبوه وبت اصول الدين***ياام الصبر والعصـــــــــــــــمه الج مصـــــــــحف
يابضعة البضعه وضنوة الكرار***يارمز الخدر ومن الـــــــــــــــــخدر انظــــــــــــف
يانور الرساله الضوه ارض الشام***ياصبر الشريعه الماخــــــــــــــلص لو جـــــف
شكول اعليج وانتي من الكلام اكبر***يم قلب الجــــــــــــــــبير المافرح واتـــــــــرف
عجز حتى الصبر عن صبرج اتكتر***يانــــــــــــــهر الصبر يجري وفلا ينشــــــــف
من صبرج يزينب خضرن الدموع***يابيــــــــــرغ صبر فوك الحزن رفـــــــــــرف
شني صبرج من شفتي الجفوف اطيح***جـــــــــف يومي عليج وعالمخيم جـــــــف
وشني صبرج من شفتي الشرع منحور***ولــــــــــــــعد صوب الخـدر نظراته تتلهف
زلم اقسم ابد ما تحمل اللي صار***حمل اجبال حملج اقســــــــــــــــــــــــم واكلــــــف
من يانوع صبرج ياجبل فولاذ***وتكوينــــــــــــــه شني ومنيــــــــــــــــن يتـــــــــالف
مابيه كل حدود ولا حجـــــــــــــــــم معروف***وما عنده محطــــــه وبيـهه يتوقــــــــف
بطف كربله خالقنـــــــــــــــــه عنده اسرار***وبيهه انتي يزينـــب اعلـــــم واعـــــــرف
واني بنظرتي انظر عكس هالناس***وانخه من الجليـــــــــــــــــل بحالي يتلطــــــــــــف
ماشوفج اسيره ولا اشوف قيود***ولا شوفن ســـــــــــــــــــلاسل عالركــــب تلتـــــــــــف
اشوفن ال اميه وكل بني سفيان***كلهه بحضـــــــــرتج مرعوبــــــــــــــــــــه تتخــــــوف
واشوف ايزيد حدر امداسج انـداس***اشوفنــــــــــــــــــــــه ذليــــل بذلتــــــه مجتــــــــــف
لان انتي الاصيله ومنبع الاطهار***وبيج اصل الطهــــــــــــــــــــــاره وعفه تتعـــــــــــرف
ياكعبة الشام وثورة الاحـــــرار***اســـــــــــــــــــــــــراب البشر كل يوم الـــــــج تزحـــــــــف
لولاج العقيده اتضيع المضمون ***وجـــــــــــا كــــــــــــــل المـــــسيره بخــوف تجتــــــــــف
وجاغطه الحقيقه الجور والطغيان***ويظـــــــــــــــــــــــــــل هذا النهـــــج مولاتي يتخلـــــــف
ولوما صبرج وذاكه الصمود البيج***تضيـــــــــــــــــــــــــــع اهداف ابو السجاد لو تتلـــــــف
ولوما هالشــــموخ وذالكه الموقف***جا ثــــــــــــــــــــــــــــورة حسين بيومـــه تتوقـــــــــف
تعليق