إعـــــــلان

تقليص
لا يوجد إعلان حتى الآن.

صاح عباس وينادي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • صاح عباس وينادي

    بسم الله الرحمن الرحيم

    اللهم صل على محمد وال محمد الطيبين الطاهرين

    القصيدة التالية من وزن الهجري واسالكم الدعاء



    صاح عباس وينادي ****** صاح عباس
    مااهاب من العده ** روحي لحسين الفده
    صاح عباس
    ***************
    انه شبل المرتضه***** انه ســــــــبع الكــنطره
    بسيفي مرسومه المنايه***** شمرتي من حيدره
    اسمي يرعب هالاعادي***** منـــــــه كلهه محيره
    ما يمر خوف بحياتي *****ما يهمـــني شما جره
    بيدي فقار الولي ** بيه ادافع عن هلي** صاح عباس
    *****************
    انه ابن ذاكه الاسد***** وزودي من حامي الحمه
    ترتجف جدامي كلهه***** من اطب الموزمــــــــه
    بنفسه علمني ولينه***** شلون اخوض الملحمه
    عمري ماخـفت الرزايــــه***** ولا اميه الشرذمه
    انه ما هاب الممات** والله متهمني الحياة**صاح عباس
    ******************
    احمل بزودي لوائي***** انه كافل هالضـــــــعن
    من علي ماخذ شهامه***** ما اهــاب من المحن
    حسين عنواني وحياتي *****بالكــلب حط وسكن
    بحبه اتحده المنيه***** بعزمـــــي واتحده الزمن
    ما تخوفني السيوف **اليوم تشهدلي الطفوف** صاح عباس
    ***********************
    ارعب اليوم ال اميه***** والي تشـــــــهد كربـله
    اسحك افواج وسرايه*****انــــــه راعــي المرجله
    شحده واليوصل عريني***** بســـيفي هاذه اجندله
    الموت من اجل الحسين ***** مرحبه انادي يا هله
    والله ما اخضع ابد** ما يهمني هالعدد** صاح عباس
    ****************
    من وصلت العلكمي ***** جدامي لاح القـــــــدر
    تذكرت لوعة سكينه***** كلـــبي بالحركه انفطر
    نزلت الدمعه عله خدي***** وناح ويــــايه النهر
    لازم اوفي انه بعهودي *****واسحك بجدمي الخطر
    واعدتني سكنه بوعد**لازم اوفي بالعهد** صاح عباس
    *******************
    بزودي طبيت الشريعه *****وترست جودي بشيم
    ما ضكت من مايه كطره *****عيني تنظر عالــخيم
    شلون اشرب والحسين***** ينتــــــــظر جية العلم
    ما اضـــــــوك الماي كبله***** حتى لو حيلي انهدم
    ماشربت من العذب** ادري كلبه ملتهب** صاح عباس
    *******************
    جيوش مرجانه واميه***** ضدي كلهم مجــنده
    خيول وارماح وكتايب***** عالفرات محشـــــده
    جردت سيف الهواشم***** لازم اسحك هالعــــده
    حسين منهاجي واميري***** روحي تصبحله فده
    انه عنوان الفداء**بيدي ارفع هاللواء** صاح عباس
    ************************
    هجمت جيوش الظلاله***** وبامر فاسق عنيد
    يبتغي الــناس بمذله***** كلهه تصبحله عبـــــيد
    منا هيهات المذله***** ابد منبايع يزيـــــــــــــــد
    احنه ويه حسين نمشي***** غيره ما نبغي ونريد
    انه من اجل الحسين** اوهب اليسرهويمين** صاح عباس

  • #2
    السلام عليك ياأبا الفضل العباس
    جميل جدا وفقكم الله لخدمة أهل البيت عليهم السلام
    اين المنتظر لإقامت الأمت والعوج

    اين المرتجى لإزالة الجور والعدوان

    اين المدخر لتجديد الفرائض والسنن

    تعليق


    • #3
      اشكرك على كلمات الثناء

      ادعو الله تعالى ان يوفقك لما فيه الخير

      اكرر شكري وتقديري

      تعليق

      يعمل...
      X