البلابل بالقفص مغردة

[زدني علما]

الى كل قاطع رحم
طويناها صفحتك وانتهى الموضوع فعل ماضي صفيت وخلصت المده
شتتوقع مني ابوس جدامك من تروح واسحك كبريائي واطلب النجده
صح الكمر اكبر والنجوم اصغار بس تحله السمه موبلكمر وحده
واذا ساكت تره مو لان ماكو لسان مرات الصمت من الحجي ابده
من اكتب شعر لاتعتقد بطران البلابل بالقفص من ضيمهه مغرده

[الشاعر الغريب]

الى الموالي زدني علما

كلمات راقيه جدا واسلوب رائع في الصور

وقد رردت بهذه الابيات وانا على عجلة من امري

فاعذرني وتقبل مروري المتواضع

البلابل بالقفص ما غردت بافراح *** تبجي اعله الرحم جي كطعته هالنــاس

وكل كاطع رحم ماينحسبله احساب *** يعيـش بهالوكت ماعنده ذره احساس

ماياخذ درس لا عبره عنده اتصيـر *** حتى من البشر ماظن ابد ينــــــــقاس

اهل البيت علمونه على الايـــــــثار *** وتعلمنه الوفه من البطل عبــــــــــاس

[همس الواسطي]

تسلم الايادي,,,,,جميل

[غسق التميمي]

كم يعجبني ان ارى هذه المساجلات الشعرية فهي دليل على ترابطكم واهتمامكم ببعضكم البعض

[زدني علما]

حياك الله على هذه الابيات الرائعة ايها الشاعراللاغريب ان شاء الله

[الشاعر الغريب]

الاخ الموالي زدني علما

اخترت اسم الغريب محبة وتعلقا بغريب كربلاء

سيدي ومولاي الامام الحسين عليه السلام

ولك مني الشكر والتقدير على مشاعرك الصادقه

وانشاء الله تعالى لا اكون غريبا بينكم