هيهات من الذله

[سيد صلاح الخرسان]

سورة كربلا رتلهه عباس و بكل ضربة آية
آية للفتح آيه لهدى الناس آية للمناية
هاك اقرى بذكرهه ترجم من فكرهه و بكل ضربة آية
***********
مصحف من وحي الواحد القيوم من سر معجزاته
دستور الخلـﮒ نافع لكل يوم من سر معجزاته
ما مسه الرجس محفوظ للدوم من سر معجزاته
لابد ما يترجم قوله معصوم من سر معجزاته
وعيون الحسد ما ترضى الأبرار تتعالى عليهه
عادت للنبي و لآله الأطهار بالقتل وسبيهه
ما تخضع لأمرهه ترجم من فكرهه و بكل ضربة آية
************
اشتدت بالضغينه أحفاد سفيان عادت للإمامة
كسروا للضلع و الباب نيران عادت للإمامة
و الطف ازدحم بجيوش طغيان عادت للإمامة
سيوف أهل الكفر شملت الرضعان عادت للإمامة
سل سيف الغضب عباس مغوار واتعنى الشريعة
لو ﮔاصد حرب بيهه الفلك دار بضرباته الفضيعه
يتلاهب جمرهه ترجم من فكرهه و بكل ضربة آية
*******************

عالم بالورع و العفه معروف من نسل الهواشم
بالجود و كرم و الطيب موصوف من نسل الهواشم
ذخر المرتضى لساحات الطفوف من نسل الهواشم
بـﮕلوب العساكر عسكر الخوف من نسل الهواشم
حمزة بمشيته و جعفر الطيار حيدر يشد غاره
سيفه لو حصد ضربات فقار يتناثر شراره
للإمه فخرهه ترجم من فكرهه و بكل ضربة آية
************
واﮔف علشريعه الصـﮕر محتام صورة بعينه لاحت
غميمه بالعطش يتلضى آلام صورة بعينه لاحت
حسين بغرفته شافه و الأيتام صورة بعينه لاحت
سكنه و زينب تنادي يضرغام صورة بعينه لاحت
تحرم يا شرب و حسين عطشان لو ﭽف عندي سالم
ريتك يا نهر ما بيك جروان وعطشانه الفواطم
هاك انظر صبرهه ترجم من فكرهه و بكل ضربة آية
**************
صال بكل عزم و الغيره و اصرار حامل ﭽفه رايه
خلـّى اعله النهر للدوم تذكار حامل ﭽفه رايه
من فكره و دماه للعالم أنوار حامل ﭽفه رايه
للمهدي بوصيته ياخذ الثار حامل ﭽفه رايه
من وحي العقيده تدرس أجيال بالطف للقيامه
رايات النصر رفت بالآمال من فضل النشامه
تستنظر فجرهه ترجم من فكرهه و بكل ضربة آية

خادم أهل البيت
سيد صلاح الخرسان

[محبة الزهراءع]

اللهم صل على محمد وآل محمد وعجل فرجهم الشريف

السلام على الحسين وعلى علي ابن الحسين وعلى اولاد الحسين
وعلى اصحاب الحسين الذين بذلوا مهجهم دون الحسين


احسنتم اختي العزيزة (ام زين الموسوي )
على مشارتكم الرائعة الله يجعله في ميزان اعمالكم

[ام زين الموسوي]

كل مصيبة تهون الا كربله
بيها ظل حسين محد غسله
بيها حسين واكع على تراب
والعد بكترا متجوله
بيها عباس ظل مكطوع الجفوف
والعلم والجود بصدره شايله
التمو العدوان ضربوا الكفيل
ال امية تهاب منه المرجله
نادى مولاي الحسين يطلب الماي
بسهم مسموم يجاوبه حرملة
ال امية حاربوا حتى النساء
كتلوا الطفل الرضيع بمهزله
حسين ظل يصرخ الا من ناصر
ينصر ال المصطفى والجنة اله
زينب بنص العدة تصرخ ياخوي
خلاف حسين البطل متهجوله
زينب تعاين ابن حيدر صريع
صارت للاطفال هي كافلة
طافوا براس الامام بكل بلد
والراس عله الرمح يقرا البسملة

خادمة الحسين