تويت
دارميات فاطمية حسب الحروف الهجائية
28 بيت
ربك لآدم حين علـَّم الأسماءْ ....... ﮔبل الخليـــــــــقة بنور ثبــَّت الزهراءْ
ثبت أسمها بنور وي نور الأطيابْ....... وليحب أم حسين يوصل بلا حسابْ
أسم الزﭼيه هناك بالكتب منعوتْ ....... من يادرب ياناس ذاك الردي يفوتْ
لواله أم حسن فردوس ربك تورثْ....... ومبغضها يوم الدين يلفيها أشعثْ
أم الحسن للدين سوتله منهاجْ ....... وشيعتها بين الناس يوم الحشر تاجْ
تاج الزﭼيه ينور بين البشر لاحْ....... ممتحنه بالتكوين من ﮔبل الأرواحْ
لواله الزجيه براس بالحشر شامخْ ....... وبأسفل الأدراك مبغضها دايخْ
زهره وزﭼيه ونورْ طيبْ ووفه وجودْ....... يعرفها رب البيتْ مايحوج شهودْ
الواله الزﭼيه هناك بالجنه يلتذ ....... ْ والمبغض بنيـــــــــــــران مابيها منفذ
حب الزﭼيه دين واجب علَ الأبرارْ....... الوالاها ابد ميشوف مالك ْعلى النارْ
باﭼر وي الأطهار للمحشر تجوزْ .... والشيعة بم حسين دار الهنا تفوزْ
فاطمة لروح الدين ولشرعته ساسْ ....... حبها وبغضها يكون للأمة مقياسْ
النور لم حسين كل فجر غبـَّشْ ....... بكربلا شلون حسين وي اهله يعطش؟
الواله الزﭼية يفوز وبحبها يخلصْ ....... ودار الولاية كتاب من عدها مختص
الحبها عل كل الناس من الله مفروضْ .. ليش الضلع ياناس من عدها مرضوضْ؟
منها الحسن وحسين ومن عدها الاسباط ْ.... الوالاها أخذ بحساب ميتين الف قاط
من عدها حكم الدين صار وتشرَّع ....... وبالحشر للخدام محسنها يشفع
من طينها المعبود نور العرش صاغ ..... مو مثل ذيج الناس وسخه من الاصباغ
ذكر أم حسن قرآن بالآيه معروف ....... والدهر وي الطور طاريها موصوف
روح اسأل القران عنده الحقايق ....... آخره ودنيا بعار شانئها زاهق
لوما أسم زهراء ماعلـﮒ أفلاك ....... خدمتها من تموت تاخذها ويَّاك
خادمها وسط البيت سيدنا جبريل ....... الأرضيه لـُم حسين لو رادت تميل
من فاطمة النسوان حكمة اتتعلم ....... واليبغض الزهراء لابد جهنم
سر ربك المعبود مشكاة الايمان ....... وبحبها يوم الدين يرجح الميزان
أهل الكرم والدين رايتها شالو....... وأهل السقيفه بجور عن حبها مالو
حب الزﭼيه قصور حور وخدم بيه ....... فاز بنزل رضوان كلمن يواليه
لوردت يوم الدين تتروه بالماي ....... حب فاطمه المنجاة لاتخطه بالراي
كتبت يوم ٣/٣/ ٢٠۱٣
اللهم صل على فاطمة وابيها وبعلها وبنيها والسر المستودع فيها والعن ظالميها واجعلنا من شيعتها ومواليها
تعليق