دارميات للشباك الجديد للحسين عليه السلام

[الشاعر الغريب]

اللهم صل على محمد وال محمد وعجل فرجهم وفرجنا بهم ياكريم
دارميات كتبتها وانا عجلة حول الشباك الجديد للامام الحسين عليه السلام
واسالكم الدعاء

شباك الك يحسين يزهي بحضرتك
يحمل جرح عاشور يشرح غربتك
ــــــــــــــــــــــــــــــــــــ
نصبو الك شباك يبن الميامين
شايل عهد بالدم من الموالين
ــــــــــــــــــــــــــــــــــــــ
شباك الك صغناه من دم الارواح
ومرصع بياقوت من هاذي الاجراح
ــــــــــــــــــــــــــــــــ
هالذهب لوما حسين ماينطي لمعه
لو حتى بالانوار كله نرصعـــــــــه
ــــــــــــــــــــــــــــــــــــ
كل الذهب والمال فدوه الترابك
مايبقه سر للدين لوما مصابك
ـــــــــــــــــــــــــــــ
تستاهل الارواح مو بس شبابيك
بدم ونفس واولاد مولايه نفديـك
ـــــــــــــــــــــــــــ

[علي حسين الخباز]

صح لسانك ايها الشاعر الرائع القريب دنيا وآخرة عند الحسين ان شاء الله .. سلمت ايها القريب

[الشاعر الغريب]

الاخ الغالي علي حسين الخباز

سلامتي بسلامتكم واستمرار خدمتي بدعاءكم

نــــاس التحب حسين طيبه وفريده

يدعي الجميع الناس من يرفع ايده

[محطه فرح]

هالذهب لوما حسين ماينطي لمعه
لو حتى بالانوار كله نرصعـــــــــه

راااائع جدا
بارك الله بك

[خليل علي الزبيدي]

من ﮔـال بس شباﭺ للوالي منصوب
سبعة طـــــباق هناك مالك بالغيوب

موذهب موالمــــــــــاس لامويواقيت
شباﭼـه ﮔلب الدين دوّخ طواغــــــيت

[الله ياحامي الشريعة]

مشكور أخي الكريم طبعا الامام الحسين عليه السلام ما يحتاج شباك اصلا لان هو ساكن في قلوبنا ... أن شاء الله لكم الموفقية تقبلوا مروري

[الشاعر الغريب]

مرورك على راسي

مرحبا بك بيننا

[نداء الكفيل]

سلمت الايادي ومزيدا من التقدم
تحياتي

[السهلاني]

شباك الك يحسين بالقلب منصوب
على العهد نبقى وياك يا اغلى محبوب

[محبة المهدي الموعود]

السلام عليكم ورحمة الله وبركته

بارك الله فيكم اخي على الكلمات الرائعه

جعله الله في ميزان حسناتك