نحرك حبري و الدموع

[سيد صلاح الخرسان]

دمعي وي جرحك لا ما نشف .... بخدودي يرسم كل ساعة طف
ودموع العين ..... تكتب يحسين
***********************
قلم دمعي بحبر دمك ..... رسملي الواقعه اگبــــــالي
تهيج أحزاني بأحزانك ..... ويصــير الثار آمـــــالي
وأشوفن لوعة أطفـالك .... منشــوفن دمعة أطفــالي
ورقيـه بالألم صـاحت .... تلاحـــگ بويه يلوالــــي
بنار المخيم گلبي أستعر .... وفجر دمعتي الحز النحــر
وگلبي بنارين .... تكتب يحسين
*************************
أشوفك يا جرح صابر ..... إعله وجه الماي يتلاله
أحس بالعبرة تخنگني ...... وعاينلك بأشد حاله
وأصيح وبس صدى صوتي..... يردلي بنبله جتاله
مثل نبلة رضيعك من ..... بضماه الظالم أغتاله
نبلة رضيعك وسط الگلب ..... صابتك أنت وي كل محب
صارن سهمين ..... تكتب يحسين
********************
وحيلي من المرض لو رك .... أصد سجاد بين أرجاس
ودگــت بابـــي من تجبـــل ..... إلي تتشــافه أهلي وناس
أحس ســـــوط بمتن زينب ...... وصاحت خويه يا عباس
وأظـــل آنـــه وخيـــالاتي ..... أعيــش بچم ألم وأحساس
شفت لعليلك فوگ الأرض ...... وحافر يدوسك صدرك يرض
وشوغة الونين ........... تكتب يحسين
***************************
ولون ردت السفر مرة ...... ولفاني موادع العيله
أشوف عيالك إگبالي ............ وأشوف وداع العليله
وتتزاحم صور صبرك ...... وأشوغ بونه وأبچيله
وأحسنهه بألم صاحت ..... بصوت وآه بعويله
آه العليله بيهه صحت .... وبعاشر الطف وداعك شفت
شلون وداعين .... تكتب يحسين
**************************
ومن جارت علي دنياي .... وسيوف الظالمه أنسلت
ذكرتك فاگد الأنصار ..... ضحايه أگبالك أتجزرت
عسن إيد التسل السيف ...... عليك أنشلت أنگطعت
ويا ريت الفلك لا دار .... وعليهم لا شمس طلعت
ورحت بدمعتي صوب النهر ..... شفت لعضيدك ظهرك كسر
ويمـّه الچفين .... تكتب يحسين




خادم أهل البيت
سيد صلاح الخرسان

[محمد السوداني]

احسنت يا حسيني

[سهاد]

بسم الله الرحمن الرحيم
اللَّهُمَّ صَلِّ عَلَى مُحَمَّدٍ وَآلِ مُحَمَّدٍ،وَعَجِّلْ فَرَجَهُمْ،وَالْعَنْ عَدُوَّهُمْ
طيب الله انفاسك سيد صلاح الخرساني على هذه القصيدة المباركة
دمت بحفظ الله ورعايتهُ

[الشاعر الغريب]

جرحي بجرح عاشور من الولاده

الموته لجل حسين تصبح سعاده