تويت
قصيدة / رب الحمد
...................................
رب الحمد اكتب شعر للابرار - ومن الصغر ادعي الالهِ اوياريت
ناذر حياتي والعمر الهم دوم - اكْتَبت الشعر واجمل قصايد سويت
كلل الفضل منّك يربي المحمود - شكر او حمد دايم الك عمري اگضيت
بيت العلم بيهم عرفنه الاسلام - بآل النبي الربنه العظيم تْرجيت
خادم وفي الهم اصير او للموت - واصبح شهيد الهم الهي تْمنيت
وِتعلمت فن الشعر من اسْنين- باحسن كرامه يا الهي منيّت
فاز او ربح كلمن تبعهم وِاختار– البيت الهدايه هالشعر كلّه اهديت
شاعر يسموني اصبحت للاخيار- اغله لقب نِلتَ ابحياتي وِحظيت
عونه الوصل هالْمنزله يا هالناس - ماتنوصف هالفرحه وشما خطيت
بيدي القلم عاجز يخط التعبير - وحتى بكلامي حاير شما رديت
الله بيت المصطفى يالاطهار – الكم اَكِتبه للشعر والله انْويت
وْكل شاعر الكم لو كتب عالي الشان- هاي الكرامه من فضل رب البيت
..................................................
............................
خادم اهل البيت ( ع )
الشاعر
سعيد الفتلاوي الطويرجاوي
سعيد الفتلاوي الطويرجاوي
تعليق