تويت
من وزن الطويل - ميلاد الدرة --- شعر- ام هدى الخزاعي
---------------------------------------
مبــــــارك ياعلي حيــــدر بزينب حــــك الك تفـــخر
نعمـــه الباري وداهــــا
حظــــنك دره رباهــــا
بــــزينــــــب حـــــك الك تفـــــــــخر
***
ميـــلاد العقــــيله اليــــوم جــــدد مـــولد الـــزهره
دره ومــــن صلب حيدر امــــها من الــــعرش دره
بيها اهل العرش تفخر صبرها ايحيـِّر ابسرّه
فـــــرحان النبي العدنان كلبه بزينب الكـــبرى
بدمعه وفرحه نادها
زينب طه سماها
كله بلهفه وتحسر -------- بزينب حك الك تفخر
***
مبارك ياعلي يكله زينب جبهه مذخوره
نبراس وعلم عالي نفس فكرك نفس دوره
زينب فاطمه امها ترتل للصـــبر سوره
تكتب زينب القرآن بدمعها اتوحد اسطوره
هديه وربك اهداها
نعمه الباري وداها
جمعت عمَّ والكوثر -------- بزينب حك الك تفخر
***
زينب نبته من الطيب زينب فاطمه بدمك
خلقها الخالق المعبود صارت منك ولحمك
زينب رايه تخفك فوك مرفوعه تظل بسمك
زينب الله راد تصــير زينب والعلم علــمك
زينب الله ســـواها
صبر خالقها غذاها
من كبل الخلق والذر ------- بزينب حك الك تفخر
-----------
زينب ياعلي تدري انت اكراب ضل زينب
من بعدك يظل هالسيف بجف الحسين يتكلب
يصــول ويدحرالطغيان سيفك ياعلي يلهب
بوكفت زينب الحوراء سيفك ياعلي يغضب
تصول وربها وياها
تبجّي زينب اعداها
تكسرخشم التجبر --------- بزينب حك الك تفخر
----------------
بزينب ياعلي نــادى جبـــريل ودمعته تهل
ميــــلاد العقيله اليوم وياها الصبر يجــبل
هل دمع النبي ايوب وي دمع النبي المرسل
من صبرج ندبها ايوب كلش يالصبوره اخجل
النبوه الزينب انطاها
ودمعته تسيح لبجاها
كلبها من الصبر اصبر ------ بزينب حك الك تفخر
----------------
زينب وين اكو زينب وحيده ومن يماثلها
قســـم بالفلق والانفال والرب الينزلها
زينب محمل الكلفات ابو الكلفات كافلها
شالت حمل ابو اليمه وكفالة عيلتة ابظلها
ابو فاضل تلكاها
وابو اليمه اللي وصاها
وصيه اوصاها بالخدَّر ------- بزينب حك الك تفخر
----------------
++++++++++++++++++++++++++++++++++++++++++++++++
16/3/2013
تعليق