انا تمنيت اطب للبيت شعور ام هدى الخزاعي
-----------------------------------------------------------
الج حنيت يمه بحظنج أخذيني == منو بعدج ييمه يسكن اونيني
انا تمنيت ==اطب للبيت
واصيح بصوتي يحبيبه وتحاجيني == منو بعدج ييمه يسكن اونيني
==================
أطب للبيت يمه وروحي حيرانه == واحس كلبي يصيح وناري سعرانه
وين امي الحنينه الجانت اويانه == سمعت البيت ونت حتى جدرانه
الج ونيت== ييمه وجيت
مـــو جنتــي بهله يمه تلكيني == منو بعدج ييمه يسكن اونيني
================
اطب للبيت يمه وجدمي تتعثر == اريد ادخل ييمه وكلبي مايكدر
اطب غصبن عليه وروحي تتوجر== واحس بصدري يمه العبره تتكسر
بحزن صديت == صحت وبجيت
على مجانج تصد عيني وتاذيني == منو بعدج ييمه يسكن اونيني
================
جنت ادخل ييمه وروحي ملهوفه == عليج من الدرب خطواتي مشغوفه
هله من اسمع ييمه برقه معزوفه == احس جني دخلت بجنه موصوفه
متت وعميت ==عسى وياريت
ولا شفتج ييمه من تودعيني ==== منو بعدج ييمه يسكن اونيني
================
من ادخل جنت تشبكني نظراتج كبل شفتج ييمه تهلي بسماتج
المحنه تنتفض وتنادي جلماتج وين الكاج يمه وضيعت ذاتج
فرق حسيت == بحزن ناديت
وين امي الحنيه وزهرة اسنيني === منو بعدج ييمه يسكن اونيني
==============
عسن عيني العمه ولاشاهدت بابج == مسدوده ييمه وتبــجي لغيابج
تــون ويه اليون لو ونت احبابج == وتصيح الدار يمه وكثرة اعتابج
بحزن ظليت ==غريبه بكيت
صدى الدار بغيابج يمه يعميني ==== منو بعدج ييمه يسكن اونيني
================
بين الناس يمه تدورج اعيوني بلكت المحج وتجذب اضنوني
تهيج الروح يمه من يعزوني يفز كلبي بحزن تتلاطم اشجوني
الاذن صميت == امل خليت
اطب للبيت والكاج اتلكيني ==== منو بعدج ييمه يسكن اونيني
================
انا اشتاكيت يمه وكلبي مايهجع احس كلبي انفطر والدمع ماينفع
اريد اسمع نعي لو مره بس اسمع من صوتج اريده الفكدج اليفــجع
الحنينه انخيت == جمر كتيت
خالي مجلسج والصوت يشجيني ==== منو بعدج ييمه يسكن اونيني
جنت ادخل ييمه وروحي متلهفه احس جنج كلب يتفايض ابعطفه
صوتج لو سمعته كل جرح يشفه هســـه البيت مجدر يالف وسفه
بحزن غطيت -- عذر وديت
علي يصعب اطب للبيت عذريني ==== منو بعدج ييمه يسكن اونيني
================
اهدى ثواب سورة الفاتحه مع الصلاة على محمد واله الطاهرين الى موتى المؤمنين والمؤمنات من شيعة امير المؤمنين عليه السلام والى روح والديه
تعليق