ابو ذيّات لمصاب الزهراء ع

[الشاعر سعيد الفتلاوي]

يا مظلومه يا زهراء

ابو ذيّات لمصاب الزهراء
عليها السلام
...............................
...............................

نظل نكتب عله امصابچ دواوين

وْتظل تنعاچ هيئات او دواوين

چبير اصوابچ اندوّر دواوين

فلا ننساچ يالزهره الزچيه

....................

ثلث مرات تاريخچ عِلَمنه

عليچ النوُح بت والي عِلِمنه

وْعزانه ايكون للهادي عَلَمنه

وْلبو الحسنين والشيعه الوفيه

..................

مجالس قايمه تنعه وعِدها

اَبوها بالمصايب سِر وَعَدها

نريد اليوم ننعاها اوْ وَعدها

ننوح عليچ يالزهره الزچيه

...................

اريد انصب عليها اليوم ماتم

عُمر بضعة ابو ابراهيم ماتم

لجل حزن الزچيه نقيم الماتم

حزنها يدوم واليوم القيامه

..................

لوين نروح دوم اسمچ نِسِر بيه

يبت طه عجيب اسمچ وسِر بيه

ترا كلمن صِرخ باسمچ يِسَر بيه

امان وبالحشر عينچ علينه

.....................

رمه بناره على دارچ وِجاهه

يظن حقده على العتره وَجاهه

عجب حقدك على الطاهر وجَاهه

عساك بيوم حشرك بالرميه

.....................

تراه بيتچ يزهره صار مَنهل

صفه بيه الحزن مِنْهل

حقد اسود على العتره مِنَّهل

اساس الضيم منّه والاذيه

......................................
......................................

خادم اهل البيت ( ع )
الشاعر
سعيد الفتلاوي الطويرجاوي

[محبة المهدي الموعود]

السلام عليكم ورحمة الله وبركاته

مئجورين اخي الفاضل ومثابين

احسنتم بارك الله فيكم

أخاف أرجَع البيت و دَمعاتي بالعين !
و أخاف من أشوفِ الحَسن حاضِن حسين ..
يسألوني يالوالِد الوالدَة وين ؟!
شَقول و دلالي يِذوب على الاثنين !

[خليل علي الزبيدي]

نظل نكتب عله امصابچ دواوين
وْتظل تنعاچ هيئات او دواوين
چبير اصوابچ اندوّر دواوين
فلا ننساچ يالزهره الزچيه

موفقين بارك الله لكم وكتبكم من خدمة المظلومة الشهيدة فاطمة الزهراء عليها السلام

[الشاعر سعيد الفتلاوي]

شكرا لكم احبتي مقضيه الله حوائجكم
بحق الزهراء ع