قصيدة / احباب الحسين

[الشاعر سعيد الفتلاوي]

قصيدة / احباب الحسين
.................................
.................................


مشايه لجل حسين وتْعزي الاطياب
طفل او ابوه اوياه قصّتهم احزان

صعبه او طريق ابعيد واتحيطه الاخطار
لابنه الابو ايباريه وگليبه لهفان

وكلما يشربه الماي بچفوفه يرويه
ويعلمه بالمظلوم والمات عطشان

بْلحظه انفجار ايْصير ويطشْرِ الاجساد
صاح الابو يا ناس ابني ابهالامچان

وينك يبويه ايصيح جاوبني ارجوك
طايح لگاه مذبوح وبدمّه غرگان

گام او حفرله اهناك بمچانه خلّاه
وراح الابو الاحرار يشكيله حزنان

اقراه الروايه او شوف احباب الحسين
ما همها كل تفجير مليانه ايمان


.................................................. ...........
.................................................

خادم اهل البيت ( ع )
الشاعر
سعيد الفتلاوي الطويرجاوي

[احمد الحجي]

بوركت وسلمت اناملك وفقك الله

[الشاعر سعيد الفتلاوي]

شكرا لك اخي الغالي احمد الحجي