تويت
قصيدة / يبن الابرار
,,,,,,,,,,,,,,,,,,,,,,,,,,,,,
يبن الابرار
بالغربه عشت سنين
وحدك يماي العين
ننعه الاحزان
وبهالبلدان نامت ابدان
يبن الابرار
.......................................
للقاسم اطلب گاصده – متعني جيت المرقده
شفت العجايب عنده
شوف شجرى من مظلمه – عالمرتضى وضد فاطمه
والظالم انكر عهده
عهده بثورته اللي ارفعه – ثار الحسين ومصرعه
خانو نبينه وْوِلده
والقاسم الصر عالسفر – يبعد حياته من الخطر
قرر يودع جده
من هالاشرار – خانو بالثار
عايش محتار – يبن الابرار
يمضحي لجل الدين – بالغربه عشت سنين
.......................................
عاف المدينه وارتحل – سافر يدور عالامل
الوادي الفرات اتوجه
مايعرف ابدار الغرب – ياهو اليدليه بالدرب
يدعو الاله ويرجه
فضل الاله اللي دفع – شر الطغات الرب دفع
مهموم ابن الحجه
همه چبير شگد صعب – روحه تلوج اويالگلب
لافرحه شاف ومهجه
بروحك عانيت – حاير ظليت
ماعندك بيت – يبن الابرار
انت ارحلت لاوين – بالغربه عشت سنين
.......................................
وبهالضروف الجابته – لقرية مكارم وصلته
يسمع حديث يهمه
حيه الكريمه وحيته – بذكر الولايه فرحته
وبهالخبر قل همه
صارت تجيبه للاهل – لمن يضيفو ينسال
عن شخصه لو عن اسمه
يخفيه لزم ماينعرف – من يذكر اسمه ينكشف
باسم الغريب اتسمه
يجيبلهم ماي – يتخفي جاي
للمي سقاي - يبن الابرار
نار البعد نارين – بالغربه عشت سنين
.......................................
والي الكريمه من طلب – منه القرابه والنسب
ناوي القرابة ابنته
جاوب نعم من قابله – روحه تريد العائله
يتمنه امه واخته
يحضرن ولادة طفلته – صارت حياته وْمهجته
يحاچيها يشكي بْعِلْته
بكل نظره للطفله يئن – يبچي بْخِفايه من يحن
يخبرهه صارت نيته
حال المظلوم – عايش مهموم
ترجع يايوم – يبن الابرار
روحك تره بدارين – بالغربه عشت سنين
.......................................
ساعة منيته من دنت – وِلْبنته حاچاهه وْبچت
دلاهه باهله وْداره
كشفي قضيتي وِخْبري – بارض المدينه دوْوِري
گلب امي طفي ناره
وبشوفتچ يمعدله – امي العزيزة مهلله
تسمع نواعي الحاره
ضميها بويه وْقبلي – وخبريها غيرچ ما الي
كلمن يخبر جاره
بنت الاطياب – بدار الاحباب
تبچي عالغاب – يبن الابرار
لمصابك معزين - بالغربه عشت سنين
............................................
............................................
خادم اهل البيت ( ع )
الشاعر
سعيد الفتلاوي الطويرجاوي
,,,,,,,,,,,,,,,,,,,,,,,,,,,,,
يبن الابرار
بالغربه عشت سنين
وحدك يماي العين
ننعه الاحزان
وبهالبلدان نامت ابدان
يبن الابرار
.......................................
للقاسم اطلب گاصده – متعني جيت المرقده
شفت العجايب عنده
شوف شجرى من مظلمه – عالمرتضى وضد فاطمه
والظالم انكر عهده
عهده بثورته اللي ارفعه – ثار الحسين ومصرعه
خانو نبينه وْوِلده
والقاسم الصر عالسفر – يبعد حياته من الخطر
قرر يودع جده
من هالاشرار – خانو بالثار
عايش محتار – يبن الابرار
يمضحي لجل الدين – بالغربه عشت سنين
.......................................
عاف المدينه وارتحل – سافر يدور عالامل
الوادي الفرات اتوجه
مايعرف ابدار الغرب – ياهو اليدليه بالدرب
يدعو الاله ويرجه
فضل الاله اللي دفع – شر الطغات الرب دفع
مهموم ابن الحجه
همه چبير شگد صعب – روحه تلوج اويالگلب
لافرحه شاف ومهجه
بروحك عانيت – حاير ظليت
ماعندك بيت – يبن الابرار
انت ارحلت لاوين – بالغربه عشت سنين
.......................................
وبهالضروف الجابته – لقرية مكارم وصلته
يسمع حديث يهمه
حيه الكريمه وحيته – بذكر الولايه فرحته
وبهالخبر قل همه
صارت تجيبه للاهل – لمن يضيفو ينسال
عن شخصه لو عن اسمه
يخفيه لزم ماينعرف – من يذكر اسمه ينكشف
باسم الغريب اتسمه
يجيبلهم ماي – يتخفي جاي
للمي سقاي - يبن الابرار
نار البعد نارين – بالغربه عشت سنين
.......................................
والي الكريمه من طلب – منه القرابه والنسب
ناوي القرابة ابنته
جاوب نعم من قابله – روحه تريد العائله
يتمنه امه واخته
يحضرن ولادة طفلته – صارت حياته وْمهجته
يحاچيها يشكي بْعِلْته
بكل نظره للطفله يئن – يبچي بْخِفايه من يحن
يخبرهه صارت نيته
حال المظلوم – عايش مهموم
ترجع يايوم – يبن الابرار
روحك تره بدارين – بالغربه عشت سنين
.......................................
ساعة منيته من دنت – وِلْبنته حاچاهه وْبچت
دلاهه باهله وْداره
كشفي قضيتي وِخْبري – بارض المدينه دوْوِري
گلب امي طفي ناره
وبشوفتچ يمعدله – امي العزيزة مهلله
تسمع نواعي الحاره
ضميها بويه وْقبلي – وخبريها غيرچ ما الي
كلمن يخبر جاره
بنت الاطياب – بدار الاحباب
تبچي عالغاب – يبن الابرار
لمصابك معزين - بالغربه عشت سنين
............................................
............................................
خادم اهل البيت ( ع )
الشاعر
سعيد الفتلاوي الطويرجاوي
تعليق