تويت
حـــــــــــــــــــــقد النواصب..
يلوم الناصبي دمعاتي عالطيبين *** وعنده جم لقب بيهن يســـميني
اّنه الرافضي يسميني هالملعون***وحب حسين كل ظنه ينــــسيني
والله بهاللقب ابقه افتــــخر دوم***وهزيته بدموعي اللي يعاديـــني
ايريد يشغل فكري باوهام وبدع***وظنه عن دربي بخدع يلــــهيني
كَلبه من كثر الحقد مابيه حنان***والوصل مكطوع بينه وبيـــــــني
عمره مامره تكلـــــــم بالادب***ولا مرَ اجه بطيبه يحاجينـــــــــي
. لو يحاجيني انه انطيه الدليــل***ولا مره انتباره وكال بارينــــــي
انه ادري بدموعي حيل تأذيهم***وجن تقصـف قنابل لو بجت عيني
اهلي سموني بصغر عبدالحسين***ونهجه اعظم مدرسه توعينــــي
جنين وبالرحم مرتني نســـــمات***بشريان الكلب جانت تغذينـــــي
حسين من دمه وضع حجر الاساس***وبيه رسم اشرف خريطه الديني
حسين ثار الله وابن ثاره المجيد***حسيــــــــن سنه من النبي تهديني
حسين ضحه بــــخوته وكل الولد***وضحه باصحابه من اجل يحميني
حسين ماضاك العذب من الفرات***امتنع عنه وراد بس يروينــــــــي
وادري الدمعات فطره من الجليل***وسط النار دمعاتي التطفينــــــــي
انه حبيته ومحبتي للجنـــــــــون***وخلهه جويات العشك تجوينـــــــي
حتى لو طحت بمرض حبه الطبيب***تربه من طف كربله تشفينـــــــي
حسين نوره بدد اركان الظـــــلام***ومن وحشة الكَبر نوره اليضوينـــــي
وحيلي لو يوم انتهه وما ظلي حيل***حبه حيلي يصير ويقوينـــــــــــــي
قليل اللي نقدمه بحب ابو الاحرار***وعندي ارخص ثمن هالنحر تدرينــــي
تريد تحرمني البجي وانسه الدموع***وبالقيامــــــه دمعتي تنجينــــــــــي
جم يزيد وحرمله واجم وليـــــــد***وجم طليق الماكــــــــدر يخفينــــــــي
اشكد طغاة ومجرمين بهالزمــــن***هواي كبلك حاولــــــــت تنهينــــــي
كل طواغيت العصر وابشع طغاة***جم ذباح سيفه ظنه يلوينــــــــــــــي
ولوفرضنه وطيحتني بالغـــــدر***كل مجلس حسيني بدمعه يبنينـــــــــي
حسين اسس للشرف سوره المتين***ومن هاذي الفتن حبه الينجينــــــــي
موبس الدمع يستاهـــــــل الارواح***لان يوم الحشر هو اليجازينــــــــي
من كوثر الزهره وماي الاجنان***من ايده الشريفـــــه حسين يسكينـــــــي
وتدري ليش اني سكت اعله الجره***لان حبه الذي صابر مخلينـــــــــــي
اقره بالتاريخ جم ثوره تشـــــوف***اسمي اول ثوره بيه تلكينـــــــــــــــي
وتاريخ الرذيله وكل فكر مشــبوه***ماكدرت ابد صفحاتــــــه تطوينــــــي
اني عندي حسين معناه الوجـــود***وانته بالعــــــدم ظنك تساوينــــــــــي
اني تكويني حسيني من الرحـــم*** وكل احقادكم حطمهه تكوينــــــــــــي
*************************************************
(لقاء الغريب)
تعليق