إعـــــــلان

تقليص
لا يوجد إعلان حتى الآن.

اليشكي همه مو سياسي .. للشاعر ابو شجاد الركابي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اليشكي همه مو سياسي .. للشاعر ابو شجاد الركابي

    اليشكي همه مو سياسي
    اليازمن منكوس راسي
    والله شيبنه رغــم زغر العمر **** كافي مو شفناهه نجمات الظهر
    اليشكي همه مو سياسي
    ....................

    ليــش سيف العنصريه **** مــشبك ارگاب الزلم
    وكلــشي ممنوع بزمنه **** حتى ممنــوع الحلم
    انه مــجروح وأعانــي **** وارد اعبر عن ظلم
    ليش اسكت وانه صرخه **** وصرختي بعينك جرم
    لا تكابر لا تكابر
    انه عنوان المگابر
    اعترف بيه جرح يسعر جمر **** كافي مو شفناهه نجمات الظهر
    اليشكي همه مو سياسي
    ....................
    انه مـــعــروف بهويتي **** ورايتي تـلوح السمه
    كافـــي ضم السيف عني **** بعد مــــــا بيه دمه
    مـــا شبعتو مـــن دمانه **** ولا صحيتو من العمه
    احنه چتفنه ابونه **** ولـوله ابونه ملحمه
    انشــد التاريخ عني
    لو تسافر لو تصدلي
    لا تفجرني غدر وي كل فجر **** كافي مو شفناهه نجمات الظهر
    اليشكي همه مو سياسي
    ....................
    ليش يتغير مـزاجك **** من اصيحن يــاعلي
    وانته تاريــخــك يگلي **** حيدره اول ولي
    افتح التاريــخ واقره **** لا تصد عينك الي
    والله غيرتو العقيده **** وكل مسارات العلي
    هذا واقع مني تسمع
    ولكتاب الباري ارجع
    تلگه بين احروفه مرسوم الطهر **** كافي مو شفناهه نجمات الظهر
    اليشكي همه مو سياسي
    ....................

    انه عندي اجروح تسعر **** ولازم اتشوف الشمس
    حتى كل الناس تعرف **** تعرف اخبار الامس
    من ظلع امنه وفدكه **** من فعل ذاك الشرس
    المانوه الشيطان فعله **** ولا بگه الغيره درس
    هذا جرحي وارد اكشفه
    وكطع المستور جفه
    الذبح امنه ابوكم بلا عذر **** كافي مو شفناهه نجمات الظهر
    اليشكي همه مو سياسي
    ..........................
    انه مو طبعي سياسي **** ولا احب هذا الدرب
    انه مرهون بدمعتي **** لان محروك الگلب
    على وگع بالغاضريه **** الشنت عليه الحرب
    هذا عنواني وهويتي **** وانته تعرف عن قرب
    دمعتي تشرح مصابي
    وصارت ادواي وشرابي
    على الذبيح الماشرب ماي النهر **** كافي مــو شفناهه نجمات الظهر
    اليشكي همه مو سياسي
    ..........................
    امعسكره ازلمك عليه **** بين تفجير وذبح
    ما نشف ريج الخناجر **** مو طلع فجر الصبح
    بعد ما بينه نصافح **** الجرح خضر جرح
    كافي مو غصيت بالدم **** والحزن شـيد صرح
    يل عبرت اخطوط حمره
    كافي مو چفيني ثوره
    احذر الفارس اذ راد المهر **** كافي مو شفناهه نجمات الظهر
    اليشكي همه مو سياسي
    .........................
    سـايريتك رغم جرحي **** وما ردت منك طبيب
    ليش تسحك جرح دامي **** مـــن تجندلي الغريب
    وانه مـــا يوم السألتك **** انته مسلم لو صليب
    كافي يغراب المـصيبه **** كافي مو امرك عجيب
    ما نفع وياك كلشي
    اسكت وماريد تحچي
    رغم طيبي وانته تحفرلي الكبر **** كافي مو شفناهه نجمات الظهر
    اليشكي همه مو سياسي
    ..........................
    الشاعر ابو سجاد الركابي

    تمت والحمد لله
    التعديل الأخير تم بواسطة ابو سجاد الركابي الشطري; الساعة 07-04-2013, 03:47 PM.

  • #2
    رائع والله يا ابا سجاد رائع سلمت لنا شاعرا كبيرا

    تعليق


    • #3
      احسن شاعرنا المبدع بوركت
      sigpic

      لاتسألني من انا والأهل أين
      هاك أسمي خادماً أم البنين

      تعليق


      • #4
        اخي ابو سجاد ..........
        لك مني الف تحية ..........
        ياصاحب القلب الطيب والقلم المعبر

        تعليق


        • #5
          جزيت الجنة ياشاعرمنتدى الكفيل على قصيدتك الراقية فعلا
          sigpic
          إحناغيرحسين *ماعدنا وسيلة*
          ولاطبعك بوجهي"بابك إ تسده"
          ياكاظم الغيظ"ويامحمدالجواد "
          لجن أبقه عبدكم وإنتم أسيادي

          تعليق


          • #6
            ليش يتغير مـزاجك **** من اصيحن يــاعلي
            وانته تاريــخــك يگلي **** حيدره اول ولي
            افتح التاريــخ واقره **** لا تصد عينك الي
            والله غيرتو العقيده **** وكل مسارات العلي
            هذا واقع مني تسمع
            ولكتاب الباري ارجع
            تلگه بين احروفه مرسوم الطهر **** كافي مو شفناهه نجمات الظهر
            اليشكي همه مو سياسي

            احلى مقطع في الشعر
            طيب الله انفاسك بوركت



            (لاي الامور تدفن سرا بضعه المصطفى ويعفى ثراها)

            تعليق


            • #7


              بارك الله بهالقصيدة وبارك الله بهل الشعر
              وطيب أنفاسك الباري ويحفظك من الغدر
              باجر الرايات تظهر بيد ميراث العصر
              والك جنه بهل القصيدة والك روضة بكل سطر

              يابوسجاد الركابي كل بشر سجل ترابي

              تلــه مطلوب بجريره بكل عصر

              تعليق

              يعمل...
              X