إعـــــــلان

تقليص
لا يوجد إعلان حتى الآن.

إطلع وانتخب (بقلمي )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • إطلع وانتخب (بقلمي )

    إطلع وانتخب

    ﮔـالو عل العراقي الوطن ميهمه صدﮒ لوصوت ظالم رايد يظلمه

    ﮔـالو مايريد يروح للصندوﮒ لأن ماله مصــــــــــالح بيها وتخدمه

    يبن دجله وفرات شغيَّرك ياحيد لبـــــــــــناء المرجعيه رايد تثلمه

    بنتلك بالفكر أعظم واجل بنيان ومنـــهج للحــــــــكم داريه وافتهمه

    تريدك للرساله وللبلد بنـّاي موباسم التقـاعس سدك تهـــــــــــــــدمه

    باﮔوك الربع من عافو الكرار وﭽـــــــــــانت للأسف اصحابه ملتمه

    لاتجعل الدنيه الزايــــفه مقياس بالربح وخســـــــــاره وفكرتك ظـَلمه

    أنظر للخضر من صلـَّح الجدران وقريه بكـل بخل من زادها تحرمه

    وعرف ان الجدار يخص يتامه زغار لبوهم مندفن ميراثه وي علمه

    وجدارك لاتوﮔـــعه وﮔوم خويه ابنيه ولأمرك بعزم اهل العبا نظمه

    لتـﮔــــــول السياسي خاين وﭽذاب وباﮒ الوطن ربعه وما اله كلمه

    المستقبل لولـــــدك لاتضيع الراي وليغــــــــرك ابليس وتتبع حكمه

    المراجع نورها من المنتظر مسنود وهيهات الأماجد تشذ عن حكمه

    تـﮔلك روح صوت وادفع المكروه ولاتسمع اصوات الجاهله الغشمه

    ﮔبل ماسمعو حـﭽـاية علي الكرار ومثل ايامنا الاوضــــــاع متأزمه

    ذبح ,موت, ولصوص تبوﮒ بيت المال وتراب البلاد تريد تلتــــــهمه

    ماسمعت كلامه وجاهم الحجاج وسيف الظــــــــــلم أسود ينـﮔط بسمه

    أحلفك بالوطن والوطن ﮔـاع حسين وأحلفك ببو اليمه ورايته وإسمه

    ﮔوم اختار لجل اطفالك الحلوين باﭽر تنرسمـــــــــــلك بالسمه نجمه

    عقلك لاتبيعه بمطمع ودينار واحذرك تره جنود ابلـــــــــيس ملتحمه

    اذا ما تنتخب حق العراقي يروح ودمـّه برﮔــــــــبتك لوحللو دمه

    تحزم للولاية وﮔوم يامهيوب تره وضــــعك صعب وعداك متحزمه

    أدريك ابو الغيره ومايمرك خوف وخادم للحسين وصحبـــــته وزلمه

    ﮔوم ادفع بصوتك غزوة الظـــلام ولتضيِّع بنومك نعـــــــــمة الخدمه

    هله ببن التراب الكسَّر الهامات وانه ادري طنـــــــــــين الدود ميهمه

    حسيني وفاطمي وتعشـﮒ علي الكرار وقرارك جوهره والناس تحترمه

    قرارك من ذهب خل يســـــمع التاريخ وابواق الدجل والكـــــفر متهمه

    سمــِّـع صوتك وثبـــــتها للأجيال واحفظ للاجــــــــــــيال الجايه النعمه

    بس العاق ماينطي الوطن شيــــريد وبس ابن الحرام اليخـــــذل الأمه

    وﮔـاع الوطن طيــــبه وربت الطيــــبين ولخادمها لازم باﭽر ترحمه

    إطلع ونتخب مولجل عين فلان لجل تبـــــــــقه بشفافك صادقه الكلمه
    *****



  • #2
    الله الله صح لسانك على هذه القصيدة وما تحمله من صور شعرية بوركت ووفقك الله
    sigpic

    لاتسألني من انا والأهل أين
    هاك أسمي خادماً أم البنين

    تعليق


    • #3
      (*(*( بوركت أيامك أخي العزيز أحمد الحجي )*)*)

      تعليق


      • #4
        احسنت اخي ابو امنه تحياتي لك

        تعليق


        • #5
          اللهم صل على محمد وآل محمد وعجل فرجهم ياالله
          بارك الله بك اخ
          ابو آمنه وسلمت يداك
          تـــــــــــــــــ
          لك ــــــحياتي


          تعليق


          • #6
            الأخ العزيز الشاعر سعيد الفتلاوي أسعد الله أعمالك وكتب لك حسن العاقبة بمحمد وال محمد

            تعليق


            • #7
              اللهم صل على محمد وآل محمد وعجل فرجهم ياالله

              بوركت أيامكم أختنا العزيزة نداء الكفيل وأنعم الله عليكم بمنه وانعامه بمحمد وال محمد

              تعليق


              • #8
                أحسنت وسلمت أناملك ياأخي أبو امنة المحترم

                تعليق


                • #9
                  ​طيب الله انفاسكم جزاكم الله


                  (لاي الامور تدفن سرا بضعه المصطفى ويعفى ثراها)

                  تعليق


                  • #10
                    ليش لا نطلع وننتخب غصباً على الناصبية
                    وتلبيتاً للمرجعية
                    سلمت اناملك الساحرة الولائية
                    ابو آمنة المبدع دائماً وابداً
                    يعطيك العافية

                    تعليق

                    يعمل...
                    X