من وزن النصاري – يحومون اعلى كبري - شعر – ام هدى الخزاعي
----------------------------------------------------------
صحت عباس تدري == يحومون اعله كبري
دمع عيني يصب وبلهفه اتانيك
صحت عباس تدري
---------------------------
صحت عباس خانتني الليالي == دريت اشصار بيه شلونه حالي
رد ليه الشمر وبسيفه جالي == علي خويه يحوم ومالي والي
ردت تحضر تجيني == يخوه وتربي عيني
يبو الغيره علي ردت اعاديك
دمع عيني يصب وبلهفه اتانيك
صحت عباس تدري
--------------------------
صحت عباس خويه ودمعي يجري == دريت بحالتي ماظني تدري
يريدون العدى يهدمولي كبري == ويسلبون الخدر ويردلي اسري
ارد خويه سبيه == رهينه ابأيد اميه
اريدك بس تجي وسياطي اراويك
دمع عيني يصب وبلهفه اتانيك
صحت عباس تدري
--------------------------
صحت عباس خويه يالشفيه == شــــك كبرك يخويه تعنه ليه
تراها اتناوشتني الناصبيه == وعلي دارت يبن حامي الحميه
ولا اظن هالوضع ياخويه يرضيك
دمع عيني يصب وبلهفه اتانيك
صحت عباس تدري
--------------------------
اتانيك بدمع ظل كلبي ملهوف == صحت عباس خويه ودمعي مذروف
ذكرت انا انتظرتك يوم الطفوف == على الشاطي طحت وتكطعت جفوف
خفت لاماتجيني == تظل بس تربي عيني
يمن دكيت صدرك وانا احاجيك
صحت عباس تدري
--------------------------
يو فاضل صحت والدمعه بالعين == شاهد كبتي وذيج النياشين
هاي سهام اميه بكلب الحسين == وتريد بخيلها ترضه الملاعين
تريد تدوس صدره == مقامي وتنهي امره
صعب خويه العتب ادري ويبجيك
صحت عباس تدري
--------------------------
صحت عباس خويه بجرح الالام == الي طفله يخويه بروضة الشام
ماغمض جفـــنها بليله لانــــام == وعليها تحوم خويه جفوف الاثام
تون محبوسه الانفاس == تصيح رقيه عباس
يحماي الظعن بسمك تسميك
صحت عباس تدري
--------------------------
صحت عباس خويه بحيرتي اتناك == طلعت من الوطن ياخويه بحماك
انه زينب يخويه بكبري وارجاك == تجيني بصارمك ويرفرف الواك
ترد صولات حيدر== يخويه وتجلي كل شر
ترد لام الوفه شجانت توصيك
صحت عباس تدري
----------------------------------------------------
ونسالكم الدعاء 17-3-2013
تعليق