حوار بين الام وولدها

[كرم الزهراء]

حوار بين الام وولدها في دارمي مولد

هذه قصة حقيقية
عن طالب في جامعة تم اختطافه من قبل الارهاب الكافر وتركوا قلب والدته احر من الجمر




الام :

بشرني يمه اتعود لو اكطع الظن
لسه الخوات اعليك يم راسي يبچن

الابن :

يمه الفرج مكتوب عند الله تلكيه
ساعه ويفك الباب وابنچ تبوسيه

الام :

عند الله يمه اثنين شارتهم اتصيب
صفنة لبو الحيران والام التجيب

الام مره ثانيه :

لا صحه لا مليون لا كل شئ ماريد
ردتك تدك الباب وتكمل العيد

الابن :

عند الله موش ابعيد واتريك وياچ
هوه العمر شيفيد ساعه ابلياچ

الام :

لاجوع افكر بيه ولا افكر ابماي
تفكيري راح اوياك بس ضلن اعضاي

الام مره ثانيه : ساعد الله قلبك

من عيني تشرب ماي من تعطش انطيك
ولو جعت شيل الروح مني وتعشيك

الابن :

يوميه اشوفچ طيف يم راسي تبچين
طبع الحلم مكلوب بلچن تفرحين

الام :


شلون افرح اوبالبيت كتبك يروحي
كل ساعه اشم اكتاب كاتلني نوحي

الابن :

يايمه ادري شبيچ وادري شتريدين
ابنچ محامي ايريد كلفيلي لحسين

الام :

كلفت ابو السجاد بچيته وياي
بلچن يفك مظلوم وايرجع ارباي

الابن :


يم بابچ العباس يسمع ونينچ
يعرف عزاچ اليوم هوه اليعينچ

[نداء الكفيل]

اختي وغاليتي وحبيبتي
كرم الزهراء
تسلم الايادي شعر رائع لكن اعذريني لم استطع ان اكمله من كثرة الالم
كلام محزن جدا
ساعد الله قلوب الامهات الفاقدات
تحياتي لكِ

[الدكتور حسين]

تسلمين وتسلم روعة التعبير ياأختي كرم الزهراء الطيبة بطيبة كلماتها العذبة حفظك الله وحفظ عائلتك من كل شر ومكروه .

[من نسل عبيدك احسبني ياحسين]

قرات سطرين لان اقشعر جسدي اسفةةةةةةةةةةةةةةةةةةةةةةةةةةةةةة