زينب انا ينادوني -- ام الصبر سموني

[عاشقة زينب ع]

زينب انا ينادوني -- ام الصبر سموني

مسبيه لديار الغرب
وعيوني تربي عالدرب
منين اجاني هالكرب

كرب وبلاء صابوني -- ام الصبر سموني

طبيت للشام إبحـزن
إبجي لمصابي واون
والعيني ما غمض جفن

اليا بلوه اغمض عيوني- ام الصبر سموني

ياخويه ظهري منكسر
يوم الخذوني لليسر
صعبه عليه هالامر

لقصر العده دخلوني -- ام الصبر سموني

ياخويه شافوني الجمع
ولصوتي كلها تستمع
وعيوني غركه الدمع

لكبر الولي رَدوني -- ام الصبر سموني

رديت ويه العايله
لارض المصايب والبله
والراس خويه شايله

وين الكبر دلوني -- ام الصبر سموني

لاكيت كل ضيم وقهر
محاربني دومه هالدهر
وجفوني ذبله السهر

ياشيعه لاتنسوني -- ام الصبر سموني

بقلم عاشقة زينب عليها السلام
11 رجب 1434هــ

اسالكم الدعاء

[خليل علي الزبيدي]

أحسنتم وبارك الله بكم على هذه الخدمة أدعو الله لكم بكل توفيق

[من نسل عبيدك احسبني ياحسين]

[شاعر الكفيل]

السلام عليكم ورحمة الله وبركاته
بارك الله فيمن عشقت زينب (عليها السلام)
فهي أم الصبر فعلا,كما هي أم المصائب,
رزقنا الله وأياكم زيارتها وشفاعتها,
أحسنت كثيرا...

[عاشقة زينب ع]

وعليكم السلام ورحمة الله

حياكم الله وربي يحفظكم

وطيب الله انفاسكم