***************
هظم روحي على المسموم شلهه
غير ابــچـاهه والونات شلهه
جنازه والجسر مطروح شلهه.. ((شالهه ))
حماميل أربعه لبن الزچيه
***************
سنين البسجن عسرن يمرهن
على الكاظم لسع چبده يمرهن
ساعات النزع وحده يمرهن
مسموم أيتگلب عالوطيه
***************
علي جار الدهر لهلي مردني
حرمني شوفة أعيالي مردني
أون وسم البچبدي مردني
وحبس هاون جرعني المنيه
*************
يبو طلبه الرجه أبابك يملنه
بحر الجود ماضنه يملنه
شكثر دعوات بالشده يمه النه
كشفهه وزاح كل كربه وبليه
************
الكاظم بالسجن ليل انهار ظلمه
وعليه زاد النذل ياحيف ظلمه
ينوح ومابعد بالعين ظلمه
يواسي بدمعته دموع الجعفرية
*************
اذا حب ال النبي يجعل مني رافضي
احبنهم ورفضنك ونت ظل رافضي
ما اريدك ونته للكاظم رافضي
من النواصب انته واحنه الجعفرية
*************
تعلمنه على الظلم واللوعه مانظمها
ولعدانه التاريخ المكارم مانظمها
ارجال بلا حميه النه مانظمها
ولا نصير ويه النذل بالمحشر سويه
*************
تعليق