تويت
عظم الله أجوركم باستشهاد الكوكب السابع سمي الكليم والهادي الى الصراط المستقيم والمعذب بسجن هارون الزنيم سيدي ومولاي الامام موسى بن جعفر الكاظم عليه السلام .
المن هالجنازة اليوم فوﮒ الجـــــسر مطروحه
يمكن ضنوة المرسول فاضت بالسجن روحه
ــــــــــــــــــــــــــــــــــــــــــــــــــ ـــــــــــ
من عادة الناس ان ﭽــان لوعدهم عزيز يموت
تلتم اخوته واهله وكل ﭽـــــــف يلزم التابوت
عليمن هالجنازة اليوم بذله وغرب ﭽـــنها تفوت
سألنا هاي اوامرمن ﮔـــــالو إمرة الطـاغوت
بأمر أهل الظلم ينـعاف
ولعيون الخلـﮒ ينشاف
ومنه الساﮒ مجروحه فاضت بالســــجن روحه
ـــــــــــــــــــــــــــــــــــــــــــــــــ
شافو من ابو ابراهيم حكمه وعلم بـﭽــــــــــفوفه
مثل والده الصادق ﭽـان صفاته بنور معـــروفه
خلـُّوه بســـجن مظلم وايد ورجل مـﭽــــــــــتوفه
يتعذب وارث القران وهوه اليكـــــــــتب حروفه
يخافون الوفي المعصوم وعدهم جند مصــــفوفه
يخافون الفضل والنور
ولنه بالـــكتب مذكور
وملايكة السمه تنوحه فاضت بالســــجن روحه
ـــــــــــــــــــــــــــــــــــــــــــــ
وينك يالرضا المعصـــــــــوم تفك الوالد وﮔـيده
وتطيـــِّب هامة المســــموم وتفرحه بجيـَّة وليده
لاﭽـــــــــــــن من تفك الساﮒ يبن الكاظم بهيده
تراهو بالسجن محزوز وعاين رﮔـبــــــته وايده
هارون الظلم هاليــــوم لميَّه جرامــــــــها يعيده
مثل ميَّه ظلم وضرار
يذب ابن الزﭽـيه بدار
بقفل والباب مصفوحه فاضت بالسجن روحه
ــــــــــــــــــــــــــــــــــــــــــــــــــ ــ
مثل جده الحسين يروح غريب مغرﮒ بدمه
لاخوته ولهل بيته ولا تحظر بـــــــني عمه
بس اهل الرذيل هوياه فوﮒ الجســــد ملتمه
غريب وعَزت الانصار وما تحضر بعد يمه
حسين اللي نذبح مظلوم
والكاظم ﮔـــضة مسموم
ومنه الـﭽبد مذبوحه فاضت بالسجن روحه
ــــــــــــــــــــــــــــــــــــــــــ
تعليق